6-ЎЗГАЧА ФИКРЛИЛИККА ҚАРШИ ДАВЛАТ СИЁСАТИ, Аъзам ФАРМОНОВ, ЖАСЛИҚ – УЯ 64-71, Маматқул МУХТОРОВ, Муҳаммад РАҲМОНҚУЛОВ, СИЁСИЙ МАХБУСЛАР, Толиб ЁҚУБОВнинг мақолалари, ҲУҚУҚБОНЛАРНИ ТАЪҚИБ ҚИЛИШ

ЎИҲЖни ким қандай топиб келган?

Толиб Ёқубов

Қодирий домла айтмоқчи, “Мозийга қайтиб иш кўриш хайрли, дейдилар…” Ўзбекистон Инсон Ҳуқуқлари Жамиятининг фахрий президенти Толиб ака Ёқубов ана шундай хайрли ишга ўз ташкилоти фаолиятига оид диққатга сазовор айрим воқеаларни сўзлаб бериш орқали ҳисса қўшишга лутфан розилик бердилар.

Инсон ҳуқуқларини ҳимоя қилиш совет даврида қандай кўринишда бўлган? Continue reading «ЎИҲЖни ким қандай топиб келган?»

6-ЎЗГАЧА ФИКРЛИЛИККА ҚАРШИ ДАВЛАТ СИЁСАТИ, Гулшан ҚОРАЕВА, Толиб ЁҚУБОВнинг мақолалари, ҲУҚУҚБОНЛАРНИ ТАЪҚИБ ҚИЛИШ

Мен нима дейман-у, қўбизим не деб йиғлар

ёҳуд Илҳом Шералиев нима дейди-ю, қонун нима дейди

 Толиб Ёқубов

Мамлакат Конституцияси ва қонунларини одамнинг скелетига таққослашади. Скелет бўлмаса ёки заиф бўлса, одамни бир халта гўшт ёки икки букчайган қария каби тасаввур қилиш мумкин, холос. Бу ҳолатни халқимиз “Бўш қоп тик турмайди” деб ҳам тушунтиради. Давлат ҳам шундай. Давлат Конституцияси ва қонунлари нохолис, айёр, порахўр, қароқчи, саводсиз, ғаразли, бировларнинг буюртмаси билан иш кўрувчи лавозимли шахслар қўлига тушиб қолса, давлат ҳам бир халта гўшт ёки икки букчайган қарияга айланади. Конституция амалда бўлса, қонунлар адолатли ишласагина мамлакат ривожланади, одамлар бахтли яшайди, Гулнора Каримовага ўхшаганлар халқни таламайди, президент ёлғон гапирмайди. Continue reading «Мен нима дейман-у, қўбизим не деб йиғлар»

Гулшан ҚОРАЕВА, МАҚОЛАлар, Тўлқин ҚОРАЕВ, ҲУҚУҚБОНЛАРНИ ТАЪҚИБ ҚИЛИШ

Қандингни ур, терговчи!

Gulshan QoraevaҚарши шаҳрида Ўзбекистон Инсон Ҳуқуқлари Жамиятининг (ЎИҲЖ) Қашқадарё вилоят бўлими раиси Гулшан Қораевага нисбатан таъқиблар давом этаяпди. Ўтган хабарларимиздан маълумки, Қарши шаҳар Ички Ишлар Бўлимининг терговчиси Илҳом Шералиев Гулшанга  қарши Ўзбекистон Жиноят Кодексининг 139 моддаси – “Туҳмат” ва 140 моддаси – “Ҳақорат қилиш” моддалари билан айблов эълон қилганди. Бу иш шу йилнинг октябрь ойидаёқ судга ўтказилган бўлсада, лекин ҳали ҳамон Жиноят ишлари бўйича Қарши шаҳар суди бу иш юзасидан ўз қарорини бера олгани йўқ. Continue reading «Қандингни ур, терговчи!»
Азам ФОРМОНОВ, Аъзам ФАРМОНОВ, ЖАСЛИҚ – УЯ 64-71, МУРОЖААТлар, ҲУҚУҚБОНЛАРНИ ТАЪҚИБ ҚИЛИШ

УЯ 64-71 ҚАМОҚХОНА бошлиғи Қуролбой БЕРДИЕВга

Ўзбекистон Республикаси ИИВ қарашли

УЯ 64/71 ЖИЭМ бошлиғи

полковник Бердиевга

 

Гулистон ш., 3-миттитуман, 16-уй, 2-хонадонда яшовчи

Озода Ёқубовадан

 

МУРОЖААТ

 

Муҳтарам Бошлиқ!

Менинг турмуш ўртоғим Азам Фармонов Сиз бошқараётган ЖИЭМда сақланмоқда. У 2006 йил 16 июнь куни жиноий ишлар бўйича Янгиер шаҳар суди томонидан 9 (тўққиз) йилга озодликдан маҳрум этилган. А.Фармонов Ўз.Р. ЖКнинг 165-моддаси (Товламачилик) билан айбланган.

Унинг ишида мазкур суд ажрими (07.06.2006) бўйича ҳимоячи бўлиб қатнашган Толиб Ёқубов бу модда бўйича А.Фармоновни айблаб бўлмаслигини, яъни унга 165-моддани умуман қўллаб бўлмаслигини тергов ҳужжатлари асосида қатъий исботлаган. Тергов унга ягона 165-модда бўйича айб қўйган ва бу айб тамоман палағда бўлиб чиққан. Унинг палағдалигини англаш учун одамда юридик билим бўлиши шарт эмас.

Мен Сизга анашу исботни юбораяпман ва уни ўқиб чиқишга вақт топарсиз, деган умиддаман.

Мурожаатимга Сиздан жавоб кутмайман. Сиз ўз вазифангизни бажараётганингизни тушунаман. Бироқ мен Сиз бошқараётган ЖИЭМда мутлақо айбсиз одам сақланаётганини билишингизни истайман, холос.

Ҳурмат ила

Озода Ёқубова

Саида ҚУРБОНОВА, ХАТлар, ҲУҚУҚБОНЛАРНИ ТАЪҚИБ ҚИЛИШ

10.07.20-ЖИЗЗАХЛИК ХУКУК ХИМОЯЧИЛАРИ ТАЪКИБДА

САИДА  ҚУРБОНОВА ХАТИ

 

Аризачи Мирзакобилова Наргизани танийман. У Жиззах шахар «Заргарлик» махалласида ижарада яшайди. Икки нафар фарзанди бор Турмуш уртоги иккинчи гурух ногирони. Икки йилдан буён Россияда.

 

Наргиза 2008 йил охирларида уйимга келди ва кайнагаси Жиззах Политехника иниститути математика Фани укитувчиси (кандайдир унвони хам бор) Мирзакобилов Норкузи узига тегишли булган Жиззах шахар Иттифок махалласи 64- уйнинг 12- хонасини сотаман деб 2003 йил январ ойида 1.200.000 (бир миллион икки юз минг) сум олганлигини, укаси Комолов Хуснидинни узи ишлаётган Жиззах политехника иниститутига укишга киритиб куяман деб яна дастлаб 700.000 сум кейин 2.500.000 сум жами 4.400.000 сум бериб алданиб колганлигини, хозирда на уйнинг, на укасини укишга киритиб куйишга деб берган пулларини кайтариб ололмаётганлигини, бу тугрида шикоят килмаган жойи колмаганлигини, хозирда уйсизлигини, хар ойи 85 минг сумдан ижара хаки тулаб яшаётганлигини, кийналиб кетганлигини айтиб ёрдам суради.

 

Мен унга адвокат олишини, кайнагасини фукаролик судига бериш лозимлигини, бу ишни килишдан олдин уйлаб куришлигини, эртанги куни туй маракада кайнагасини куриши кераклигини, эр уругининг уртасида «поланчи келинга ухшаб судга берарсанда» деган таъналар булишлигини тушунтирдим. Шуларнинг барчасига чидайман десанг кайнагангни фукаролик судига бер» дедим. «Узим укитувчи булсамда оддий гапни хам тушунтириб беролмайман. Илтимос менга ишончли вакил булиб утинг. Судда мен билан бирга иштирок этинг» деб илтимос килди. Мен унга ичим ачиди ва рози булдим. Зиядулла Раззоковннг олдига бирга олиб бордим ва ёрдам беришини илтимос килдим. У адвокат топиб берди ва адвокат Наргизанинг номидан даъво аризаси киритди. Бу 2008 йилнинг охирлари эди. Шундан бошлаб Наргиза билан алокаларимиз яхши булиб кетди.

У сикилиб кетса, хафа булса кийналиб колса менинг уйимга келиб турарди. Менимча уйсиз яшаш жудаям огир. Каталакдек булсада уз уйинг булганига нима етсин. Шунинг учун унга ачинардим. Синглимдай булиб колганди. Суд жараёнида тулик катнашдим. Бир неча маратоба Галлаорол туманига хам бирга бориб келдим. Баъзан талашдим- тортишдим. Нихоят Судъя Жамол Абдуллаев жавобгар томон келавермагач сиртдан 2009 йил 28 март куни ФПК нинг 224 ва 229 моддаларни куллаб 7.890.000 сум моддий ва 100 минг сум маънавий зарар учун Мирзакобилова Наргиза фойдасига ундиришлик, жавобгар Мирзакобилов Норкузидан давлат фойдасига 1.568.679 сум ундиришлик тугрисида хал килув карори чикариб берди.

 

Шундан сунг ижро учун чопдик. Ижрочилар бир бирига ташлашди. Жиззахлик ижрочилар ғаллаоролликларга, ғаллаоролликлар эса Жиззахга. Шу буйи ижро жорий килинмай тураверди.

 

Шу ораликда 2009 йилнинг август ойида Наргиза менга «Саида опа, Пахтакор тумани МХХ бошлиги Насим Урдушов телефон килиб учрашишиимни суради. Бордим. МХХ бошлиги Насим Урдишов « Нима учун Саида билан бирга юрибсан. Улар жиноятчи-ку. Хохласам Саиданинг уйининг кулини кукка совуришим мумкин. Уканг харбийда ишлар экан. Биласанми ёмонлик килиш кулимиздан келади. Сизга муаммо керакми, биз Сизга топиб берамиз. Хар кандай муаммони келтириб чикарамиз. Бахтиёр Хамраевнинг углининг камалганини эшитган булсангиз керак. Ушаниям биз уюштирганмиз. Саиданинг узи булмаса хам болаларидан бири кулга тушади. Саидага хам якин одамларини куйиб куйганман. Узингизга муаммо тугдирманг» дея аввал бакирди, мен гаплашмайман деганимдан сунг сал юмшаб «Наргиза, суд ижросини битта кунгирогим билан килдириб бераман. Факат Сиз менга Саидани пул билан ушлаб берсангиз булди» деди. Мен эса йук дедим. Ушлаб берадиган одам топиб беринг. Кимлар билан пул олди берди килади, шуларни билиб беринг. Сиз менга ёрдам берсангиз, мен Сизга ёрдам бераман. Битта телефон билан ижрони хал килиб бераман, деб айтди. Мен кунмадим. Саида опа эхтиёт булинг» деди.

 

Наргиза булган бу вокеаларни Мамиржонга хам, Бахтиёр акага хам айтиб берди.

 

Шундан сал вакт утгач Пахтакор туман МХХ бошлиги Насим Урдишов хокимиятга борадиган катта йулда Илхома исмли аёл билан бирга кетаётган пайтимда пайнет ёнида олдимдан чикди. «Ха, опа яхшимисиз, мен тугримда Наргизадан ёздириб олдингизми?- деди. Мен унга «Шунчаликка бордингларми? Сизлар эркак кишисизлар-ку? Уялмадиларнгизми? Менинг болаларимда нима хусуматларингиз бор? Менинг болаларимга тегинганларни худога соламан. Бандаси тегинса бир амаллаб чикиб келар. Худо тегинса бандасининг кулидан хеч нарса келмай колади. Узларингдан хам уялмасаларинг килаверинлар» дедимда Илхома билан йулимда давом этдим.

Бу таъзиклар тугрисида интернет оркали чикишни хохламадим. Чунки Узбекистоннинг битта туманнинг МХХ бошлигининг шунчалик ожзлигини, хатто гунохсиз бир аёлга нисбатан кура била туриб тухмат килиб, жиноят уюштириб, фитна килишгача бораётганлигини дунёга ёйишга, гурурим йул куймаганди. (Минг афсуски аслида бир киши менга караб йуталса хам «Менга караб фолончи йуталди» дейишим керак экан.)

Одамни мухтожлик, чорасизлик синдирар экан. Нихоят бу хаксизликлар, чорасизликлар, мухтожликлар билан йиллар давомида курашиб чарчаган Наргиза хам бу нохакликларга таслим булди ва манфаат йулини танлаб менга ва Зиёдуллага қарши тухмат килиб ариза ёзиб беришга мажбур булган. Мен шундай фикрдаман. Майли. Худо бор. Кадимдан колган бир гап бор. «Хар ким килса узига». Худога ва берган тузимга солиб куйдим.

 

2010 йил 2 июн куни кеч соат 18, 19 лар атрофида мени кишлокнинг милиция таянч пунктига чакиришди. У ерда Жиззах вилоят УВД булими тероризимга қарши кураш булимии ходими Олмос кутиб олди. У   Мирзакобилова Наргизадан менга ва Зиядулла Раззоков устидан шикоят ариза тушганлигини айтиб ариза билан таништирди. Мен олдинига ишонмадим. Наргиза билан юзлаштиришни талаб килдим. Олмос вакти келса юзлаштирамиз дедида. Хозир унга шу ариза буйича тушунтириш хати ёзиб беришимни талаб килди ва мен анча тортишувдан сунг булган вокеалар тугрисида ёзиб бердим.

 

Худди шу куни кеч соат   19, 20 лар атрофида менга нисбатан олдиндан ёзиб тайёрлаб куйилган маълумотномага Чаманзор фукаролар йигини раиси котиби Абдурашид Норматовга фукаролар йигинининг юмолок мухрини бостириб имзо чектириб олиган. Котиб бу кимсаларнинг кимлигини айтишдан куркди. Шунисига хам шукур-ки, котиб килган ишидан уялаётганлигини, виждони огриётганлигини, кийналаётганлигини тан олди.

17 июн куни чакирув когози билан Пахтакор туман ИИБ га чакиришди. Бордим. Жиззах вилоят ИИБ тероризмга қарши кураш булими ходими Олмос билан учрашдим. У огохлантириш хатига кул куйиб беришимни талаб килди. Бир соатлар тортишувдан сунг менга «Жамиятга зид иш килмаслик тугрисидаги огохлантириш хати»га имзо чектириб олди.

 

20 июль 2010-йил.

Саида Курбон.

 

ЖИЗЗАХ ВИЛОЯТ БЎЛИМИ, Мамир АЗИМОВ, ҲУҚУҚБОНЛАРНИ ТАЪҚИБ ҚИЛИШ

09.11.12-ЖИЗЗАХ ВИЛОЯТ ПРОКУРОРИга

ЖИЗЗАХ ВИЛОЯТ ПРОКУРОРИ П.Р. БОБОЖОНОВ га        

                                                                   ЖИЗЗАХ ТУМАНИ, ТОҚЧИЛИК МАҲАЛЛАСИ,

А.БУРХОНОВ КЎЧАСИДА ЯШОВЧИ

ФУҚАРО М. АЗИМОВ ТОМОНИДАН

                                                                

ШИКОЯТ АРИЗАСИ

                                                  

Мен, Азимов Мамир, 2009 йилнинг 11 ноябри куни соат тахминан 10,30дан кеч 18,10 гача Жиззах туман ИИБ да мажбуран ушлаб турилдим ва калтакландим.

        Шу куни тахминан соат 10 да Жиззах туман ички ишлар жиноят қидирув бўлими ходими Жаҳонгир Исломов қўл телефонимга қўнғироқ қилиб, менинг қаердалигимни сўради. Мен Жиззах шаҳридаги деҳқон бозоридалигимни айтдим. Ж.Исломов мен билан учрашиши зарурлигини айтди ва синиқлар касалхонаси (травмотология) олдига келиб туришимни сўради. Мен бордим. Жаҳонгир билан бирга Жиззах туман ИИБ бошлиғи муовини жиноят қидирув бўлим бошлиғи Нурилла исмли йигит ҳам бор эди. Улар менга   оилам берган аризалар бўйича Жиззах туман ИИБ бошқармасига боришимни кераклигини айтишди. Мен рози бўлдим ва уйга келиб, қайтиб ИИБ бошқармасига бордим. Мен уларни кутиб турдим. Улар мен танимаган бир йигит билан бирга ИИБга олиб келишди. Биз ўша нотаниш йигит билан Нурилланинг хонисига кирдик. Нурилла менинг олдимда участка нозирига телефон қилиб, тўпланган ҳужжатларни олиб келишини буюрди. Биз Ж.Исломовнинг хонасига ўтдик ва икки соатдан кўпроқ шу ерда ўтирдик. На участка нозири, на бошқаси келмади. Соат 13 ларда овқатланиб, укол олиб келиш учун уйга келдим. Овқатланаётганимда менга Б.Чориев қўнғироқ қилиб «Биз Ғанининг сомсахонасидамиз. Илтимос келиб кетинг» деди. Йўлда Б.Ҳамраев билан учрашдик ва бирга чойхонага бордик. Б.Чориев билан кўришдик. Шу пайт телефонимга Ж.Исломов қўнғироқ қилди: «Мен Сизни йўлда кутиб турибман. Тез ташқарига чиқинг» деди. Мен «ҳозир келаман» дедимда, йўлга чиқдим. Машинамнинг ёнига келдим. Ж.Исломов ўша нотаниш йигит билан олдимга келди ва машинамга ўтирди. Нотаниш йигит ёнимга ўтириб мени ҳақоратлаб «ИИБ га ҳайда» дея мажбур қилди. Мен мажбуран машинамни ҳайдадим. ИИБга бордик. Ж.Исломов ўзининг машинасида бизни кузатиб борди. ИИБга етгач ўша нотаниш йигит билан бирга Ж.Исломовнинг хонасига кирдик. Хонага жиноят қидирув бўлими бошлиғи Нурилла кириб келди. «Нимага бизни алдаб кетдинг?! Нима учун учрашувга бординг? Нима учун мен бошлиғимдан сен учун сўкиш эшитишим керак?» дея ҳар хил ҳақоратли гапларни айтиб мени Нурилла ва Ж.Исломов навбатма навбат уришга тушишди. Улар кўкармайдиган жойларни топиб тепиб, муштлаб уришди. Бу ҳолат бир соатлар давом этди. Ж.Исломов ураётган пайтда «Уришди деб ООН га ёзасанми, прокурорга ёзасанми, хоҳлаганингга ёзавер. Барига «дасмоя»мни қўйиб қўйдим. Нима учун менинг онамни сен учун бошлиқларга ҳақорат қилдириб қўяманми? – деб ёқамдан ушлаб деворга ура бошлади. Уруш навбати Нуриллага келган пайтда у «Касалхонага ётадиган бўлсанг, битта укол қилдириб ўша ердан қайтиб чиқмайдиган қиламан, ёзадиган бўлсанг қўлингни уриб синдираман. Қараб тур, ҳали сени турмада чиритаман» – деб тепа бошлади. Уришдан чарчаганларидан сўнг жиноят қидирув бўлими бошлиғи Нурилла икки оёғимни икки томонга кенг ажратган ҳолда стулни қўлимда кўтарганча деворга қаратиб турғазиб қўйди. Стулни қўймоқчи бўлсам «баланд кўтариб тур» дея уришга чоғланди. Бу вақт ичида нотаниш йигит (кейин ўзини таништиришича Жиззах вилоят терроризмга қарши кураш бўлимидан Жиззах туманига беркитилган вақили экан, исми – Ойбек) Ойбек ҳам улар калтаклаётган пайтда тошмошабин бўлиб ўтириш билан бирга хар хил «Ҳароми», «Ифлос», «Онангни …» каби сўзлар билан ҳақоратлаб турди. Шундан сўнг менинг бошим оғриб, айлана бошлади, пешонамни совуқ тер босиб ўтириб қолдим. Ж.Исломов ва Нурилла қаёққадир кетди. Ойбекнинг қаровуллигида соат олтигача ўтирдим. Ниҳоят Ойбек қайсидир бошлиқдан «қўйиб юборайликми ёки ушлаб турайликми?» деб телефон орқали сўради. Бошлиқ қўйиб юборинглар, деди шеқилли, ниҳоят мени озод қилишди.

Кетишимдан олдин Нурилла менга: «Бундан кейин бирор жойга мендан берухсат кетадиган бўлсанг, сени … деб сўкиб, ҳақоратлаб, менга таҳдид (угроза) қилди.

Мен уйга қайтиб келиб мазам бўлмагач, ўғлим билан вилоят тез тиббий марказига, касалхонага биринчи ёрдам олиш учун бордим ва у ерда биринчи ёрдам кўрсатишди.

Ҳурматли прокурор!

ИИБ ходимларига қонунни бемалол, бебурдларча бузишга рухсат берилганми?

Жиззах тумани ИИБ ходимларига ким шунчалик ҳуқуқ берди-ки, шунчалик эркин, қонун олдидаги жавобгарликдан қўрқмасдан мени ҳақоратлашди ва калтаклашди?

Мен қонуннинг қайси моддасини буздим-ки, Жиззах туман ИИБ ходимлари мени ўз хоналарида соатлаб ушлаб туришди ва калтаклашди?

Ўзбекистонда фуқароларнинг эркин юриши, учрашувларга бориши, эркин фикрлаши, ўз фикрини очиқ айтиши тақиқланганми?

Менинг фуқаролик ҳуқуқларимни оёқ ости қилиб ҳақоратлаб, калтаклаган Жиззах тумани ИИБ бошқармаси ходимлари жиноят қидирув бўлими бошлиғи Нурилла ва жиноят қидирув бўлими ходими Ж.Исломовга нисбатан қонуний чора кўришингизни сўрайман.

 

Мамир Азимов.                                                                                                                      

 

6-ЎЗГАЧА ФИКРЛИЛИККА ҚАРШИ ДАВЛАТ СИЁСАТИ, ДАВЛАТ ТЕРРОРИЗМИ, МУРОЖААТлар, Юсуф Жума, ҲУҚУҚБОНЛАРНИ ТАЪҚИБ ҚИЛИШ

МУРОЖААТНОМА

militaryphotos.netБМТ нинг Инсон Ҳуқуқлари

бўйича қўмитасига

ЕХҲТ га

Оврупа Иттифоқига

Халқаро Ёзувчилар Уюшмасига

«Чегара билмас журналистлар»

халкаро ташкилотига.

Нусхаси:   Ўзбекистон Парламенти

(Олий мажлиси) вакилларига

2008 йил 12 январь.

МУРОЖААТНОМА

Ҳурматли жаноблар ва хонимлар!

2007 йил 9 декабрдан 10 декабрга ўтар кечаси Ўзбекистонда бир оилага нисбатан мисли кўрилмаган шиддатли қуролли ҳужум амалга оширилди. Ҳукумат қарори билан жўнатилган, автоматлар билан қуролланган 200дан ошиқ махсус кучлар қўшинлари бир хонадонга ҳужум қилишди. Continue reading «МУРОЖААТНОМА»

2-БЮЛЛЕТЕНЛАР, ҲУҚУҚБОНЛАРНИ ТАЪҚИБ ҚИЛИШ

06.06.18-ҲИСОБОТ

Ўзбекистон Инсон Ҳуқуқлари Жамияти

Жиззах вилоят бўлимининг

грант бўйича ўтказаётган

мониторинг натижалари

 

 

МУШУК – СИЧҚОН ЎЙИНИНИИНГ ЖИЗЗАХЧА УСУЛИ

 

(ёхуд, Жиззах шаҳар ИИБ бошлиғи подполковник Э.Ҳусанов, шаҳар ИИБнинг тергов бўлими бошлиғи майор Б.Муртозов ва терговчи капитан Г.Бозоровларнинг инсонларнинг ҳақҳуқуқлари ва қонунларни паймол қилишдаги найранглари ҳақида)

 

Жиззахда бўлиб ўтаётган бу воқеага нима учун батафсил тўхталганимизнинг асосий сабабини ўқиб чиққанингиздан кейин биласиз деган умиддамиз (Б.Ҳамро).

 

Бу жараёнлар нимадан бошлангани, яъни бўлиб ўтган воқеанинг қисқача тафсилоти: «2006 йил 11-февраль куни, соат 12-00 лар атрофида «Юнус Ражабий» номли Жиззах вилоят Драмма театри ёнида, ишсиз юрган йигитлар ва «Сайилжойи» лицей мактабининг ўқувчилари ўртасида жанжал бўлиб ўтади. Жанжалда 70 га яқин ёшлар қатнашади»

 

Воқеа жойига етиб келган милиция ходимлари муштлашувга дахлдор деб гумон қилинган йигитларни «Заргарлик» маҳаллаcида жойлашган 2-сонли Жиззах шаҳар ИИБга олиб борадилар. Олиб кетилган йигитлар орасида Ўзбекистон Инсон Ҳуқуқлари Мустақил ташкилоти Жиззах вилоят бўлими аъзоси Ўткир Пардаев ҳам бор эди. Терговчилар унга «Муштлашув пайтида, сен жабрланувчи Жабборов Элдор кўкрагига қаттиқ тепиб, унга қастдан ўртача оғир шикаст етказгансан» дея даъво билан чиқадилар. Қилмаган айбини бўйнига қўйиш учун «Заргарлик» маҳалласидаги 2-сонли Жиззах шаҳар ИИБ бошлиғи подполковник Саъдулла Мелибоев адвокатсиз терговни бошлаб, Ўткир Пардаевни қийноққа сола бошлаган. Подполковник сўроқ пайтидаги ҳар гапида, «Э.Жабборовни мен урганман» деб ёзиб берасан, деб бақиради. Унинг ва қўл остдаги миршабларларнинг қийноқлари оқибатида Пардаев бир неча марта хушини йўқотади. Ўткирнинг «Мен бу ерга тасодифан келиб қолган бўлсам, қолаверса ёшлигимдан суяк оқмаси касалига чалинганман,   яқинда оёғимдан операция қилинганман. Қандай қилиб Элдорни кўкрагига тепишим мумкин?» деган гаплари инобатга олинмайди.

 

Шундан сўнг қийноқлар шаҳар Ички Ишлар Бўлимида давом этади. Қийноқ эстафетасини энди Жиззах шаҳар ИИБ нинг тергов бўлими бошлиғи Бахтиёр Муртозов бошчилигида Шерматов ўз қўлига олганди. У подполковник Саъдулла Мелибоевдан ҳам ёмон чиқиб қолди. Икки гапнинг бирида қўлидаги отверкасини ўйнатиб «Агар айбингни бўйнинга олмасанг мана бу отверка билан орқа тешигинга тиқиб, қизил ичагингни суғуриб оламан» дея Ўткирнинг баданининг елка кисмига шикаст етказади (бу ҳақда экспертиза хулосаси бор).

 

28 соат мобайнида ИИБда хибсда сақланган Ўткир Пардаевни уйидагилар кафилликка олиб, 12-феврал куни олиб кетадилар. Милиция ходимлари Ўткирни жиноий жавобгарликка тортишга астойдил бел боғлаганини кўрган Мустақил Инсон Ҳуқуқлари Ташкилотининг вилоят бўлими раиси Ўктам Пардев 14-феврал куни бўлган воқеа ҳақида, Жиззах вилоят прокурорига, Миллий Хавфсизлик Хизмати бошқармасига, Жиззах вилоят ИИБ бошлиғи Ж.Оқбоевга, Жиззах шаҳар прокурори Т.Сагатовга ва вилоят ҳокими У.Ёмонқуловга шикоят ёзиб киргизади ва қуйидагиларга уларнинг эътиборини қаратади.

 

  1. Милиция ходимлари томонидан қаттиқ қийноқка солинган Ўткир Пардаевни суд тиббиёт экспертиза текширувидан ўтказиш ва милиция ходимларининг килмишларига бахо бериш;
  2. Шаҳар ички ишлар бўлимига олиб борилган болалардан фақат Ўткир Пардаев қийноққа солингани;
  3. Жабборов Элдорни тэквандо усулини пухта эгаллаган Марат Есимов тепганлигини айбдор бўйнига олиб турса ҳам, терговчи негадир уни сўроқ килмай уйига жавоб бериб юборгани;
  4. Терговчи Б.Муртозов жабрланувчи Жабборов Элдор билан гаплашмай туриб, унинг онасидан,   «Ўғлимни Пардаев Ўткир урган» деб тилхат ёздириб олганидан мақсади;
  5. Терговчи Г.Бозоров Руслан исмли фуқарони сохта гувоҳ сифатида Ўткир Пардаевга қарши қўйганлигини қандай баҳолаш кераклиги;
  6. Навбатчи капитан Рўзимурод «Укангиз билан учрашишни шаҳар ИИБ бошлиғи полковник Э.Ҳусанов ман қилди» деб учрашишга рухсат бермагани.

 

Мана орадан 4 ой вақт ўтди. Ўктам Пардаевнинг юқори идораларга ёзган шикоятларига эътибор   берилмади. Фақат, Жиззах вилоят МХХ   бошқармаси бошлиғи томонидан ёзилган шикоятни, вилоят прокуратурасига юборганлиги тўғрисида икки   энлик жавоб хат олинди, холос.

2006 йил 5 июнь куни Жиззах шаҳар ИИБ Т.К.К.Б. бўлинмаси бошлиғи, капитан Г.Бозоров, терговчи Шерматовлар, тергов қилинган салкам 30 нафар болалардан фақат икки нафарини ажратиб олиб, аcоcий айбдор Есимов Марат Калбаевичга қўшиб, Параев Ўткир Пўлатовични ҳам Ўз.Р. ЖКнинг 105моддаси 2 қисми «и» банди билан айбланииб ва жиноий иш хулосасини тасдиқлатиш учун Жиззах шаҳар прокурори Т.Сагатов   эътиборига ҳавола этди. Т.Сагатов аблов хулосасини 5 июнь куни тасдиқлади.

 

Энг қизиғи, шаҳар прокурори ишни судга оширилмасдан олдин бўлиб ўтган воқеалар жараёнидан ҳамма хайрон? Яъни, бу ишга шаҳар ИИБ бошлиғи Эркин Ҳусановдан тортиб вилоят Ички Ишлар Бошқармаси бошлиғи Окбоевгача «айбланаётган» Ўткир Пардаевдан «Жиноятни бўйнимга оламан» деб имзо қўйдириб олишларига қаттиқ ҳаракат қкилганлигидир.

 

Хулласи, Ўктам Пардаев ва унинг укаси Ўткир Пардаевлар билан вилоят ҳуқуқтартибот органларининг катта кичик раҳбарлари, терговчилар ва уларнинг рахбарлари ўртасида МУШУКСИЧҚОН ЎЙИНи бўлиб ўтди. Бу ЎЙИН, орган ходимлари учун натижасиз тугаганлиги сабабли, улар охирги чора, тўғридан тўғри тўҳмат қилиш ва қандай бўлмасин Ўткир Пардаевни жиноий жавобгарликка тортиш йўлини қидирдилар ҳамда бунга эришдилар ҳам.

Қуйида, ҳуқуқ ҳимоячиси Ўктам Пардаев ҳамда ҳуқуқтартибот органлари раҳбарлари ўртасида бўлиб ўтган мушук-сичқон ЎЙИНи ҳақида батафсилроқ тўхталамиз.

 

2006 йил 11 февралдан бошлаб шаҳар ИИБ тергов бўлимига Ўктам Пардаевни укаси Ўткир билан тинимсиз чақиришлар авж олди. Уларни эртадан кечгача сабабсиз кутдириб қўйишарди. Ўктам Пардаев терговчи Ғ.Бозоровга, “Укамни нега олдин адвокатсиз сўроқ килидиларинг, кийнадиларинг? Айибсиз бўлса ҳам нега айнан уни айбдор қилаяпсизлар?» деган саволлари жавобсиз қолди.

Ана шундай кунларнинг бирида жабрланувчининг акаси Жабборов Ваҳоб терговчини кабинетига бемалол кириб келди-да, Ўктам Пардаевга қараб: “Сен аблаҳ ҳуқуқ ҳимоячисимисан ёки жиноятчиларнинг хомийсимисан? Ҳали сен терговчиларга гап қайтариб маҳмадоналик қилганинг учун жавоб берасан” – деб ўшқира кетди. Шунда терговчи Ғ.Бозоров кулиб қўя қолди.

 

Сўкинишни бас қилган Жабборов Ваҳоб деразадан стадионга қараб, Ғофуржон, дўстим, стадионни ўт босиб кетибди-я, уни Эркин акамга айтаман” (шаҳар ИИБ бошлиғи Э.Ҳусанов назарда тутилмоқда) дедида, кабинетидан чиқар экан, Ўктам Пардаевга ўқрайиб: “Сен аблаҳ билан кейин гаплашаман”-деб дўқ урди.

Ўктам Пардаев терговчига бу бўлиб ўтган воқеа ҳақида дарҳол акт тузиб, жиноят ишига киритишини сўради. Аммо терговчи бу ишни қилмади.;

 

Орадан анча вақт ўтиб Ўктам Пардаев жабрланувчининг акаси Ваҳоб Жабборовнинг талаби билан учрашди (сўхбат диктофонга ёзиб олинган). В.Жабборов Ўктамга: «Мен укамни Республика Микрохирургия клиникасига ётқизаман, ҳужжатларнинг ҳаммаси тайёр. Ўшанда кўрасан менинг кимлигимни» деб дўқпўписа қилишни бошлади. Кейин “Агар бир ярим миллион сўм берсанг уканг қамалмайди. Мен ҳокимдан тортиб налогигача, терговчи-ю, унинг бошлиқларигача, бари билан бемалол гаплаша оламан» деб писанда қилган;

 

2006 йил май ойини ўрталарида Ўктам Пардаев терговчи Ғ.Бозоров билан вилоят ИИБнинг тергов бўлими бошлиғи подполковник Низом ака ҳузурида бўлишади. Ўктам Пардаев Низом акага: «Укам жабрланувчи Жабборов Элдорни тепмаган, чунки у яқинда оёғидан операция бўлиб касалхонада ётиб чиққан» деган гапларни айтади. Шунда Низом ака «Бу иш судга чиқса ҳам хеч нима бўлмайди, зўр келса жарима бўлади, ҳеч ким қамалмайди» деган жавобни беради.

 

2006 йил май ойининг охирларида вилоят ИИБнинг тергов бўлими бошлиғи Низом ака Ўктам Пардаевни ва Ўткир билан бирга айбланаётган Марат Есимовни вилоят ИИБ бошлиғи Оқбоев ҳузурига олиб боради. Вилоят Ички Ишлар Бошқармаси бошлиғи Ж.Оқбоев «Нима гап?» деган саволига Низом ака: «Ўткир Пардаев айбини бўйнига олишдан бош тортаяпти, имзо қўймаяпти» деб жавоб қайтаради. Шунда Ж.Оқбоев Ўктам Пардаевга қараб: «Нега укангиз “мен урдим” дея тайёр аризага қўл қўйишга рози бўлмаяпти, ахир ярашув бўлаяпти-ку, эртага укангиз судланса, нима бўлади?» деган гапни айтади. Ўктам Пардаев бунга рози бўлмайди.

 

2006 йил 22 май куни соат 19.00 лар атрофида Жиззах шаҳар ИИБ бошлиғи подполковник Э.Ҳусанов Ўктам Пардаевнинг уйига шахсан ўзи Ўткир Пардаевга қўнғироқ қилиб: «Менинг ходимларим уйларинга боради. жиноятни бўйнимга оламан деб имзо қўй, иш сен томонга ҳал бўлаяпти» деб тайинлайди.

Ўша куни кечаси соат 22.30 ларда Х.Олимжон номли маҳалла участка нозири капитан Ойбек «Жигули» машинада Ўктамларникига боради. Машинада шаҳар ИИБ. тергов бўлими бошлиғи майор Бахтиёр Муртозов ҳам бор эди. Участка нозири Ойбек: «Эрталабдан бери Ўктамни излаб юрибмиз, келса зудлик билан Э.Ҳусановга қўнғироқ қилсин» -деб тайинлайди.

 

Терговчиларнинг пайтавасига қурт тушган эди. 28 май куни эрталаб соат 9-00 лар атрофида участка нозири Ойбек, терговчи Ғофур Бозоров, тергов бўлими бошлиғи Бахтиёр Муртозовлар яна Ўктам Пардаевнинг уйига ташриф буюрадилар. Ўктам уйда йўқ эди. Улар кўчанинг бошида чўнқайиб ўтириб олишиб, Ўктамни кута бошлайди. Шу пайт ҳуқуқ ҳимоячиси Бахтиёр Ҳамроев Ўктамникига Ўткир масаласи бўйича келади. Гап нимада эканлигини билгач, чўнқайиб ўтирганларнинг олдига бориб, ўзини таништириб: «Бу ерда кимга қоровуллик қилиб ўтирибсизлар? Илтимос, ёнингиздаги инсонни ҳам таништирсангиз?» деб сўрайди. Шошиб қолган участка нозири Ойбек: «Ўктам менинг жўрам бўлади, унда ишим бор эди» дейди. Ёнидаги терговчини эса меҳнат муаллими деб таништириб юборади. Шунда Б.Ҳамраев уларга қарата: «Сизлар зўравонликга асосоланган ёлгон сиёсатнинг қурбонларисиз» деган сўзига, шоша – пиша «Бизлар ҳеч қачон ёлғон гапирмаймиз» дея яна қовун туширади.

 

Ўктам Пардаев яшайдиган “Сангзор” маҳалласи участка нозири бир четда қолиб, Х.Олимжон номли маҳалла участка нозири Ойбек оёғи куйган товуқдек питирлаб 31 май куни майор Бахтиёр Муртозов билан Ғофур Бозоровларни эргаштириб яна Ўктам Пардаевнинг хонадонига оёқ босадилар. Ўткирдан имзо чекишни талаб қила бошлайдилар. Ўктам Пардаев терговчиларга: «Ўша муштлашувда иштирок этган 70 нафарча болалардан нега айнан менинг укамни танлаб олдиларингиз, айби бўлмаса ҳам жиноий иш очдиларингиз?» деган саволни яна беради. Чунки бошқа болаларнинг кўпчилиги маъмурий жавобгарлик билан қутулиб кетишган эди. Шунда тергов бўлимининг бошлиғи майор Бахтиёр Муртозов: «Айби борми-йўқми билмаймиз, лекин жанжал бўлган жойда укангиз бўлган-да, бўлмаганида майли эди» деган жавобдан нарига ўта олмайди. Кейин: «Эртага шаҳар ИИБ бошлиғига ўтинглар, охирги имкониятларинг шу» дейишиб чиқиб кетадилар.

 

Бутунлай бошқа маҳалла участка нозири, бу маҳаллага мутлақо алоқаси йўқ бўлган Ойбек 2006 йил 3 июн куни яна Ўктам Пардаевнинг уйига боради ва «Зудлик билан Э.Ҳусановга учрашар экансиз» деб айтиб кетади.

Ўша куни соат 11-30 ларда Ойбек қайтиб келиб Ўктам Пардаевга уни Э.Ҳусанов олдига олиб бориш буюрилганлигини айтади. Улар Х.Олимжон маҳалла участка пункитига боришади. Бироздан сўнг Э.Ҳусанов терговчи Ғ.Бозоров ва яна бир фуқоро кийимидаги нотаниш киши билан кириб келишади. Э.ҲусановҚилган жиноятимни бўйнимга оламан» деб укангиз имзо чекиши керак” дейди. Ўктам: «Укам Ўткирнинг айби йўқ» деганида, Э.Ҳусанов: «Уканг жабрланувчини урган, шунинг учун қамалади» дейди. Шунда фуқаро кийимидаги нотаниш киши бирданига: «Сенинг оёғинга йиқилиб илтимос қилишимиз керакми?» деб дўқ уришга тушади. Э.Ҳусанов эса таҳдидли оҳангда: «Биласанми, сенлар ишонган элчиларинг қўлидан ҳеч нима келмайди. Сенга бир яхшилик қилмоқчи эдим, охирги марта келиб сўраяпман, яна бизлардан дамонгир бўлиб юрмагин».

 

Шунда фуқаро кийимдаги киши Ўктамга: «Бу гапларни уйингга келган ўша элчиларингга айтиб юрмагин, тағин» дейди.

Ўктам Пардаев уларнинг кабинетидан чиқиб 30 метрлар юрганида, терговчи Ғ.Бозоров Ўктамни қайтаради ва кабинетига олиб кириб «Хато қилаяпсиз, укажон, Ўткир 5 йилга қамалиб кетади, мана бу қоғозларга қўл қўйсангиз олам гулистон» дейди. Ўктам Пардаев унга ҳар гал қайтақайта берган саволини яна такрорлайди: «Укам қийноқга солинган. Олдин шу саволимга жавоб беринг». Терговчи Ғ.Бозоров сийқаси чиққан уша жавобни такрорлади: «Укангиз жанжал бўлган жойга борган-да. Бормаганида майли эди».

 

Прокурор томонидан бу айблов хулосаси барча ҳуқуқтартибот идоралари томонидан «ўрганилиб» тасдикдан ўтган. Ўткир Пардаевнинг иши судга ўтди. Энди судда мушук-сичқон ЎЙИНи бўлмайди, албатда. Суд ҳуқуқ химоячисининг укасини жанжал бўлган жойга бориб қолгани учун ҳам қамашга ҳаракат қилади. «Агар уканг «Жиноятни бўйнимга оламан» деб ҳужжатларга қўл қўйиб берса, у қамалмайди деб орган ходимларининг берган ваъдаси рост. Аслида уларга Ўткир Пардаев керак эмас. Аксинча, кейинги пайтларда уларни тинчини бузаётган ҳуқуқ химоячиси Ўктам Пардаев керак. Агар уларнинг режаси амалга ошганида эди, яъни Ўткир Пардаев имзо қўйиб барча айбларни ўз бўйнига олганда эди, ҳуқуқ ҳимоячиси Ўктам Пардаевнинг фаолияти чекланарди. Улар хоҳлаган пайтларида Ўктам Пардаевга: «Жим юр, оғайни чалиш, укангнинг тақдири, ипи бизнинг қўлимизда, акс холда уканг ўзини қамоқхонада кўради» дейишга асос яратилган бўларди.

 

Ўктам Пардаев уларнинг иғвогорона бу таклифларига учмади. Сотилмади. Ўз эътиқодига, мақсадига содиқ қолди. «Укам пешонасига нима ёзилган бўлса ўшани кўради» деб, орган ходимларига ялиниб-ёлвормади, ноғорасига ўйнамади. Асл мақсад йўлида курашни янада кучайтириш учун келажакка янада қадам ташлади.

 

Ҳозир Жиззах вилоятида ҳуқуқ ҳимоячилари жуда оғир шароитларда, бошларини кундага қўйиб курашни давом эттирмоқдалар. Сафдошларимиз Насим Исаков ва Улуғбек Каттабоевлар зиндонга ташландилар. Бошқалари устида қора булутлар пайдо бўлиб, реал хавф пайдо бўлганлар – Муйдинжон Қурбонов, Эгамназар Шаймановлар ватанини тарк этишиб, хорижга чиқиб кетдилар.

 

Тинимсиз таъқиблар, тазийқларга қарамай яқинда жиззахлик ҳуқуқ ҳимоячиларидан бир гуруҳи курашни фаоллаштириш учун бирлашиш зарур ва бу давр тақозаси эканлиги ҳақида бутун мухолифатчиларга БОЁНОТ тарқатдилар.

Жиззах, ҳозир Ўзбекистоннинг «Бермуд уч бурчаги»га айланган десак муболаға бўлмайди. «Бермуд учбурчаги» кемалар, самолётларга дахшат солиб, уларни ўз домига тортаётган бўлса, Жиззахдаги ҳуқуқтартибот органлари жиззахлик ҳуқуқ ҳимоячиларига ана шундай дахшатни солмоқчи бўлаяпти. Улар тинчлигини бутунлай йўқотиб қўйишган.

 

Энг асосий фактларга этиборингизни қаратамиз: Вилоят прокуратурасига, адвокатсиз ва қаттиқ қийноқлар асосида тергов қилинганлиги бўйича ёзган аризасидан кейин, Жиззах шаҳар прокуратураси томонидан шаҳар ИИБнинг терговчилари устидан алоҳида суриштурув олиб борилган эди. Суруштирув ишлари суриштурув бўйича қолиб кетди. Қийноқлар бўйича терговчилар устидан жиноий иш очилмай қолиб кетди. Бу ҳақда, руйхатдан ўтган Мустақил Инсон Ҳуқуқлари жамияти Жиззах вилоят бўлими ва Жиззах ҳуқуқ химоячилар Ассоциацияси томонидан қилинган мурожаатлар ҳам этиборсиз қолдирилди.

 

Бу ишда нима учун Жиззахдаги ҳуқуқтартибот органларининг катта бошлиқлари бунчалик чопа-чоп қилаётганлигининг асосий сабабини қуйидагича деб биламиз: «Ҳуқуқ ҳимоячилари Шароф Пардаев ва Ўткир Пардаев ҳамда бир Жиззахлик фуқаро, ҳарбийларга қарашли контрразведка бўлими ходимлари томонидан шу йилнинг 24 март куни хибсга олиниб, қийноқга солинган эди. Оқибатда ҳуқуқ ҳимоячиси 5 кун мобаойнида шифохонада даволанган эди. Бизнинг халкаро ташкилотларга килган мурожаатларимиздан кейин, бу қийноқлар иши бўйича Халкаро Хельсинки Федерацияси томонидан, Жиззах шаҳар прокуратураси, Жиззах вилоят прокуратураси ва Ўзбекистон Бош Прокуратурасига Очиқ хат жўнатилган эди. Бу ҳақда, ҳамда Очиқ хат нусхасини яқин кунларда Сизларга алохида етказамиз.

 

Ўзбекистонлик ҳуқуқ ҳимоячилари ҳаётларини гаровга қўйиб, ҳақиқий озодлик ва ҳақҳуқуқ учун курашни давом эттирар эканлар, жар ёқасида турган бу ҳуқуқ ҳимоячиларига жаҳон афкор оммасининг мадади жуда-жуда зарур эканлигини алоҳида уқтириб ўтмоқчимиз. Ёрдам бугун, ҳозир, шу дамда берилиши керак. Эртага кеч бўлади.

 

Бахтиёр Ҳамраев – Ўзбекистон Инсон Ҳуқуқлари Жамияти

Жиззах вилоят бўлими

18 июнь 2006 йил

Жиззах шаҳри

 

 

ЖИЗЗАХ ВИЛОЯТ БЎЛИМИ, Мамир АЗИМОВ, ХАТлар, ҲУҚУҚБОНЛАРНИ ТАЪҚИБ ҚИЛИШ

05.06.12-Мамир АЗИМОВ КУЗАТУВда

Ассалому-алайкум Толиб ака.

Мамиржон келиб ушбуларни айтиб кетди

Шуларни жўнатаяпман.

 

12 июнь куни соат 8:00 да «Бобожон» фермер хўжалиги иш юритувчиси, Азимов Мамиржоннинг ўғли Азимов Азизни (21 ёшда) Ҳ.Олимжон АХМ механиги Қозоқов Очил олиб кетган. Ҳ.Олимжон АХМ идорасида Жиззах вилоят ИИБ бошқармасининг кадрлар бўлими бошлиғи ўринбосари, милиция подполковниги Рустам Абулқосимов сўроқ қилган (вилоят ҳокимияти томонидан беркитилган Жиззах тумани бўйича вакили).

– Нима учун пахта яхши яганаланмаган, қачон яганани тугатасан? – деган.

 

Азизни ҳақорат қилиб тушунтириш хати ёздириб олган. Азиз олдин ёзмаган. Ёзишга мажбур қилган. Бу учрашувда Ҳ.Олимжон хўжалик раҳбари Нишонбой Турсунматов ва туман ҳокимияти вакили Қобилов Маманлар бўлган.

 

Бош вазирликдан Жиззах вилоятдаги гурухда Бўриев ҳам бўлган. Рустам Абулқосимов “Ерни оламан деганлар кўп. Керак бўлса бир кунда тортиб оламан,- деган.

 

Мамиржоннинг гаплари:

 

Кузатувда юрганимизни яқинда, яъни Жиззах туман жиноят қидирув бўлимидан Нексия 13 f 06 – 63 рақамли машина кузатиб юрибди. Ўтган хафта чоршанба куни Ҳамроқул Носиров жамоа хўжалигида яшовчи қайнонам Орифжонова Караматнинг уйига кичикроқ маракага борганимда кузатиб юрган назоратчи ИИБ бошлиғига телефон қилиб: “Шу хонадондан чиқмапти” – дегандан сўнг Ҳ.Носиров жамоа хўжалиги участка нозирлари Жабборов Абдумажид ва Ҳасанов Шуҳратни жўнатиб, “паспорний режим” деб, қайнонамнинг хонадонини безовта қила бошлади. Мен чиқиб “Нима гап?” десам Андижон воқеаларидан сўнг бегона одамлар юрибди деб мени шу хонадонга нега келганимни аниқлади.

 

         Бахтиёр Ҳамраев

МУРОЖААТлар, Эгамназар ШАЙМАНОВ, ҲУҚУҚБОНЛАРНИ ТАЪҚИБ ҚИЛИШ

ЖИЗЗАХ ВИЛОЯТИ ИЧКИ ИШЛАР БОШҚАРМАСИ БОШЛИҒИга

29 март 2005 й.

Адолат ва одил суд бўлмаган шароитда

давлат қароқчилар тўдасига айланади

Августин Аврелий

ЖИЗЗАХ ВИЛОЯТИ ИЧКИ ИШЛАР

БОШҚАРМАСИ БОШЛИҒИга

 

Муҳтарам Бошлиқ!

 

Кеча, 28 март куни, Жиззах туман ҳокими Суннат Ўроқов Ўзбекистон Инсон Ҳуқуқлари Жамияти (ЎИҲЖ) Жиззах туман бўлими раиси Мамир Азимов билан бўлган сўҳбат чоғида: «ЎИҲЖ Дўстлик туман бўлими раиси Эгамназар Шаймановга Жиззах вилояти Миллий хавфсизлик хизмати томонидан қидирув эълон қилинган. У Жиззах тумани ҳудудида яшириниб юрибди, деб менга МХХдан телефон қилишди» – деган. Continue reading «ЖИЗЗАХ ВИЛОЯТИ ИЧКИ ИШЛАР БОШҚАРМАСИ БОШЛИҒИга»

52-СЎЗ ВА МАТБУОТ ЭРКИНЛИГИ, ҲУҚУҚБОНЛАРНИ ТАЪҚИБ ҚИЛИШ

04.07.01.МАТБУОТ АНЖУМАНИ ҚАТНАШЧИЛАРИ ТАЪҚИБ ОСТИДА

Милиция ҳуқуқ ҳимоячиларини

таъқиб қилишдан тўхтаётгани йўқ

 

Фарғонадаги «Ўтюраклар» ташкилоти раҳбари Мўътабар Тожибоева 30 июн куни соат 11-30 да ҳуқуқ ҳимоячиси Толиб Ёқубовнинг Юнусободдаги идорасида оммавий ахборот воситаларига, хусусан «Ахборот» кўрсатуви журналисти Муҳаммаджон Обидов ва «Ҳуррият» газетасига бўлган муносабати ҳақида матбуот анжумани уюштирди. Бу ҳақда «Эркин юрт» сайти хабар берган.

 

Хабарда айтилишича, анжуманда Фарғонадаги Туёл қишлоқ фуқаролар йиғинининг раиси Эркин Қўзиев, Муҳаммаджон Обидов томонидан ҳозирланиб, «Ахборот» кўрсатувида намойиш қилинган «пахта даласида маош тарқатиш» тўқима лавҳасида қатнашган аёллар, ҳуқуқ ҳимоячилари ҳамда «Озодлик» ва «Би-би-си» радиоларининг мухбирлари қатнашишган.

 

Толиб Ёқубовнинг уйида ташкил қилинган мазкур матбуот анжумани тугаб, соат 13-30 лар атрофида қатнашчилар тарқалаётганида Аъзам Турғунов, Абдужалил Бойматов ва Юрий Коноплёвларни шу атрофда кутиб турган милиция ходимлари тўхтатишган ва ҳужжатларини талаб қилишган. Бунга жавобан ҳуқуқ ҳимоячилари ҳам милиция ходимларидан ҳужжатларини кўрсатишни талаб қилганлар.

 

Маълум бўлишича, бу милиция ходимлари Юнусобод туман ИИБ патрул хизмати катта лейтенанти Дилмурод Очилмуродович Қулиев ва сержант Жаҳонгир Абдуқодировлар экан. Милиционерлар Аъзам Турғунов ва Абдужалил Бойматовнинг ҳужжатларини кўриб чиқиб, шахсингизни аниқлаймиз деб милиция пунктига мажбуран олиб боришган. Бунда улар агар шахснинг ёнида тасдиқловчи ҳужжати бўлса ҳам, барибир уни милиция пунктига олиб келиш ҳақида буйруқ борлигини рўкач қилишган.

 

«Орадан ярим соат чамаси вақт ўтгандан кейин мана шу, яъни Юнусобод тумани, 4-квартал, Наврўз маҳалласи қошидаги 409-милиция пунктига Фарғонадан анжуманга қатнашиш учун меҳмон бўлиб келган 10 та одамни ҳам олиб келишди», – дейилади хабарда. Милицияхонага олиб келинганларнинг паспорти бўлишига қарамай, ўзини ИИВ масъул ходими деб таништирган милиция майори Тойирбек Садирович Турсунхонов маҳалла участка нозирига: «Буларнинг ҳаммасига 194-модда билан ҳужжат расмийлаштиргин», – дея дўқ ура бошлаган. Унинг ёнида юрган ва ўзини таништирмаган яна бир кимса эса: «Агар керак бўлса, чўнтакларингга наша ҳам тиқиб қўямиз», – деб пўписа қилган.

 

Шу куни соат 16-30 ларда «Хьюман Райтс Вотч» вакиллари Аллисон Гил ва Карло Боэм ҳамда «Озодлик» ва «Америка овози» журналистлари Хусниддин ва Абдумаликлар бу ерга етиб келишганидан сўнг ушлаб кетилганларнинг барчаси қўйиб юборилган.

 

1 июл 2004 й.

 

“Мусулмон Ўзбекистон” веб-сайти