БИЛДИРИШНОМАлар, УЯ 64/36, ҚИЙНОҚЛАР

07.07.30-ФОЖЕАЛИ ЎЛИМ

30 июль 2007 й.

Адолат ва одил суд булмаган шароитда

давлат карокчилар тудасига айланади

Августин Аврелий

 

ЎЗБЕКИСТОН ИНСОН ҲУҚУҚЛАРИ ЖАМИЯТИНИНГ

БИЛДИРИШНОМАСИ

 

Ўзбекистон Инсон Ҳуқуқлари Жамиятига Фарғона вилоятидан келган «Фожеали ўлим!» мақоласи ҳар қандай соф виждонли инсонни изтиробга солади ва бу фожеани содир этган маҳлуқлар ҳамда уларнинг раҳнамоси Ўзбекистон ҳукуматига нисбатан нафрат уйғотади. 39 ёшли айбсиз ватандошимиз, мусулмон йигит Иномжон Якубовнинг жасади Навоий шаҳридан олиб келинаётгани ҳакидаги маълумотни унинг отаси Сойибжон ота Якубовга Марғилон шаҳар ҳокими Н.Раҳматуллаев, шаҳар ички ишлар бўлимии бошлиғи, «Узун ховуз» маҳалла фуқаролар йиғини раиси Муҳаммадамин ва бошқа бирнеча нотаниш одамлар билдиришган. Худоси Ислом Каримов бўлган бу одамлар охир-оқибат Иномжоннинг қотиллари билан Аллоҳ олдида теппа-тенг жавоб беришларини тушунишармикин?

 

Фожеали ўлим!

 

         Навқирон ва қадимий марғилон ўзининг 2000 йиллик тўйини нишонлаш арафасида турган бир пайтда 2007 йил 19 июль куни эрталаб соат 8.00 да марғилондаги қадимий қабристонлардан бири бўлмиш “Хўжа Форсо” қабристонида 200 дан ортиқ инсонлар иштирокида дафн маросими бўлиб ўтди.

        

Нафақат марғилонни, балки бутун Фарғона вилоятини ғамғуссага, қайғуга солган бу дафн маросимида шу куни азонда, соат 5-00 ларда Навоий шаҳридаги УЯ 64/36-сонли қамоқхонадан бош мия суяклари пачоқланган, юз ва кўзлари аянчли аҳволга келтирилган 39 ёшли Якубов Ином Соибжоновичнинг жасади тупроққа топширилди.

        

Якубов И.С. 1998 йил 23 сентябрда “Ҳизбуттаҳрир” партиясига мансубликда айбланиб қамоққа олинган ва Фарғона вилоят судининг ҳукми билан 18 йилга озодликдан маҳрум этилган эди.

        

марғилон шаҳар, “УзунҲовуз” маҳалла, ИбнСино кўчаси, 9-уйда яшовчи унинг 77 ёшли отаси Якубов Соибжон ака марҳум ўғли иномжонинг ҳалол ва покиза, иъмон-эътиқоди мустаҳкам ва отаонасига, ўз оиласи ва яқинларига жуда меҳрибон, юксак ҳулқли фарзанди бўлганлигини, ҳеч қандай экстремистик, террористик фаолият олиб бормагани ҳолда ноҳақ айбланиб қамалгани ҳамда тўққиз йиллик айрилиқ, қамоқхоналардаги қийноқ ва азоблардан сўнг ўғлининг бундай аянчли ва фожеали ўлим билан олиб келинганлигидан қаттиқ норози эканлигини ва ўғлининг ўлишига сабабчи бўлган шахсларнинг жиноий жавобгарликка тортилишини талаб қилиб республика прокуратурасига арзнома топширишини айтди.

        

Марҳумнинг хотини Турсунқулова ёқутхон эрининг қамоқда бўлган пайтда унга ўпка сили касаллиги юқтирилгани ва бу касаллик узоқ вақтдан буён давом этиб келаётган бўлишига қарамай, 2007 йил 16 июнь куни қамоқхонага охирги учрашувга борган пайтда эрининг аҳволи анча яхшиланганлиги ҳақида гапириб, роппа роса 1 ойдан сўнг фожеали ўлим билан уйга олиб келинганидан қаттиқ изтироб чекаётгани ҳамда икки норасида фарзандининг отасиз етим бўлиб қолишларига сабабчи бўлган жиноятчижаллодларни жазога тортиш ҳақида ариза беришлигини айтди.

        

Ёқутхонинг айтишича, учрашувга борган пайтларида унинг марҳум эри Иномжон қамоқхонада содир этилаётган жиноятлар ҳақида гапириб, қамоқхона ходимлари диний эътиқоди учун қамалган маҳбусларни жуда қаттиқ қийноқларга солишларини, намоз ўқиганлиги учун уларни аёвсиз калтаклаб, узоқ муддатга изоляторга ёпишлари ҳақида гапириб берган.

 

Бундан ташқари Иномжон унга энг оғир жиноят, яъни турма ходимлари атайлаб ўзлари уюштирган ҳолда ёмон ва ғаразли ниятлар билан суғорилган, яхшилаб боқилган “маҳсус” маҳбусларга диндор маҳбусларнинг қўлоёқларини боғлаб, номусларига тегиш ва зўрлаш учун изолаторларга ташлаб қўяётганлари ҳақида гапириб берган. Бундан асосий мақсад улардан президентнинг номига кечирим хати ёздириб олиш бўлган.

 

Кечирим хати ёздиришнинг асосий мақсади асосан диндор маҳбуслар президент номига ёзилган кечирим хатларида ўзларининг қилмаган айбига иқрор бўлиши, унга нисбатан чиқарилган суд ҳукмини тўғри деб, бу билан унга нисбатан қўйилган “экстремисттеррорист” деган тамғани тасдиқлаши керак бўлган.

        

Жаноза ўқилишидан олдин жасадни кўриб, унинг жуда аянчли ҳолда экани, яъни бош мия суякларининг пачоқлангани, чап кўзининг ўйилиб кетгани, чап юзининг ёноқ қисмида 3-4 сантиметрлар чамаси суяклари синиб, ичига ботиб кетгани, тананинг бошқа қисмларидаги жароҳатларни кўриб, унинг яқинлари, қариндошуруғлари жуда қаттиқ ғазабга келдилар.

        

2007 йилнинг 18 июлида Навоий вилояти Суд-тиббий экспертиза бюроси томонидан врач мухитдинов имзоси билан берилган 82-сонли “Ўлим ҳақидаги врачлик гувоҳномаси”да Якубов Ином Соибжоновичнинг ўлган вақти 2007 йил 17 июль, ўлган жойи навоий вилояти УЯ 64/36 стационари, деб кўрсатилган. Ўлимнинг бевосита сабаби:      а) Очиқ бош мия травмаси; б) Калла асоси суякларининг синиши; в) Травматик шок, деб кўрсатилган.

        

Бирлашган Миллатлар Ташкилотининг қийноқлар бўйича махсус маърузачиси Тео ван Бовен Ўзбекистонга ташриф буюрган чоғида текширувлар ўтказиб, Ўзбекистондаги барча тергов ҳибсхоналарида, қамоқхоналарда қийноқлар мунтазам ва систематик тарзда олиб борилаётгани ҳақида ахборот бериб, бу ёмон иллатни қийноқлар ва инсонларга қарши олиб борилаётган бу тарздаги жиноятларни бартараф этиш учун 22 банддан иборат кўрсатма ва таклифлар берган.

 

Шундан сўнг 2003 йилда президент И.Каримовнинг кўрсатмасига биноан Инсон ҳуқуқлари бўйича Ўзбекистон Миллий маркази директори Акмал саидов бошчилигида Тео ван Бовен томонидан кўрсатиб берилган қийноқларни бартараф этиш ва бошқа ислоҳотлар ўтказиш тўғрисида миллий дастур ишлаб чиқилган эди. Лекин минг афсуски, инсониятга қарши бу жиноятлар ҳанузгача давом этиб келмоқда.

 

Айниқса, навоийдаги УЯ 64/36-сонли зонадаги маҳбусларга нисбатан кўрсатилаётган қийноқлар ва оғир жиноятлар тўғрисида кўп шикоятлар тушган ва бу тўғрида ГУИНга ҳам бир қанча мактублар йўлланган бўлишига қарамасдан ҳеч қандай чоратадбирлар кўрилмаганлиги оқибатида худди шу қамоқхонадан 2007 йил 18 июль куни Тошкентлик 52 ёшли Шуҳрат Диёровнинг жасади ҳам келтирилган.

        

Фақатгина Фарғона вилояти бўйича шу яқин 5-6 йил ичида қамоқхоналардан 100 дан ортиқ жасадлар келтирилган бўлса, Навоийдаги бу машъум 64/36 “туберкулез зонаси”дан 10 дан ортиқ маҳбусларнинг жасади келтирилди. Булар жумласига Марғилон шаҳридан Ашуров Муҳаммаджон Алиевич, Бўрибоев Абдуҳамид Абдумаликовичларни айтиш мумкин.

        

Ўзбекистон Инсон ҳуқуқлари Жамияти раиси Толиб Якубов ўзининг 2007 йил 26 июндаги Интернет орқали тарқатган мақоласида айтганидек: Қийноқларни фақат давлат бошлиғи ўз буйруғи билан тўхтатиши мумкин.

        

Ҳар бир инсоннинг, халқнинг ўз ғурури ва инсонга хос чекланган бардоши бор. Қамоқхоналардаги қийноқлар тўхтатилмас экан, бундай машъум ўлимлар давом этаверади. Бунга чек қўйиш вақти етиб келди.

 

ЎИҲЖдан:

 

Онг ва эътиқод инсон (банда)ни дунёдаги бошқа жонзотлардан фарқловчи, унга Яратган томонидан инъом этилган буюк неъматдир. Диний эътиқод инсоннинг энг улуғ ҳуқуқларидан бири бўлиб, унга тажовуз қилган одам ёки ҳукумат муқаррар таназзулга юз тутади. Инсоният тарихида Ислом динига қарши курашган одам ва ҳукмдорлар кўп бўлган, бироқ уларнинг барчаси охир-оқибат кулпа-якун бўлган.

 

Ўз халқига, унинг диний эътиқодига душман бўлган ҳукмдорлар ўзларидан олдин ўтган шу каби ҳукмдорлар тақдиридан хулоса чиқармаганлар. Шуларнинг бири ўзбек диёрининг ҳозирги ҳукмдори И.Каримов бўлиб, у ҳам тарих сабоқларини бир чеккага суриб қўйиб, ўзининг бутун фаолиятини Ислом динига, инсонларнинг диний эътиқодига қарши қаратди. Унинг ҳам такдири олдин ўтган ва Исломга қарши курашган ҳукмдорларники каби фожеали бўлажак.

 

51-ДИНИЙ ҲУҚУҚЛАР, СУД СИСТЕМАСИ

05.07.07-ЖИЗЗАХда СУД БОШЛАНДИ

Жиззахда «Хизб ут-Таҳрир» диний оқимига аъзоликда айбланаётган

4 фуқаро устидан Жиззах вилоят жиноят ишлар судида

суд жарёни бўйича

мониторинг

2005 йил 07 июль куни соат 15-00 ларда, Жиззах вилоят жиноят ишлари бўйича судида, судья Ислом Қувватов раислигида, прокурор И.Исломов, котиба Эшонова, адвокатлар:
1. Ғиёс Номозов –ARGUMENT ANN адвокатлар фирмаси адвокати. (ишхонасининг телефони: (99872) 226-36-27)
2. Олим Қобилов – Жиззах шаҳар адвокатлар уюшмаси адвокати. (тел: уй. 224-29-96, сот: 1679978)
иштрокида суд бошланди.
Прокурор И.Исломов айблов хулосасини ўқиб берди.

Ўзбекистон МХХ нинг 745/491/859/948 –сонли жиноят иши бўйича айблов хулосаси 208 бетдан иборат. Айблов хулосасини вақтинча олдим. Қани энди имкониятим бўлса нусха қилиб олсам. Нусха қилай десам 5-6 минга тушиб кетади. Афсуски, имкониятим чегараланган.

Суд бошида судланаётганлардан: Ўринбоев Мухтор, Саипов Мелиқўзи, Абдумансуров Абдуваҳҳоблар, яъни учаласи фақат 1999 йилдаги фаолияти учун айбларини қисман тан олишларини айтди. Судья Президентдан, халқадн кечирим сўрайсизларми?, – деган саволига, «Олдинги фаолиятимиз учун кечирим сўраймиз», – деди. Кейинги йиллардаги фаолиятида умуман жиноят қилмаганликларини айтишаяпти. Аммо, судланаётган Исмоилов Аброр Аҳрорович айбига умуман иқрор эмаслигини билдирди. Бугун фақат Ўринбоев Мухтор ва Саипов Мелиқўзи билангина савол-жавоб бўлди.

Қамоққа олиш жараёни ва судланаётганлар рўйхати:
2004 йилнинг 25 июнь куни Ўзбекистон Республикаси МХХ Тергов бошқармасининг бўлинма бошлиғи, адлия майори Садуллаев Бахтиёр гурухи (тинтувда 40 яқин киши қатнашган) томонидан тинтув қилиниб, кейин хибсга олиниб Тошкентга МХХ га олиб кетилган. Улар бир йил-у ўн кун МХХ ертўласида сақланган. Ўринбоев Мухторга ҳукумат томонидан Жўраев Даврон деган тошкентлик адвокат билан таминланган. Бу адвокат фақат 2 марта сўроқда қатнашган, холос. Абдумансуров Абдуваҳҳоб, Соипов Мелиқўзи адвокат билан таъминланмаган. Фақат уч ойдан кейин Олим Қобилов Абдумансуров Абдуваҳҳобга адвокат бўлиб ўтган.
1. Ўринбоев Мухтор Исмоилович, 1964 й. 19 сентябрда Жиззах туманида туғилган. Миллати ўзбек. Тўлиқсиз ўрта (8 синф) маълумотли, оилали, 4 фарзанди бор. Ишсиз. Жиззах шаҳри, Юнусобод берк кўча, 4-уйда яшайди. Жиззах вилоят ММХ нинг Холматов Фарход гурухи томонидан хибсга олинган (2 та патрон ва 5 дона кўкнори ташланган). 1999 йил 30 июнь куни Жиззах шаҳар суди томонидан Ўзбекистон Республикаси Жиноят Кодексининг 248-модданинг 1-қисми ва 276-модданинг 2-қисми билан судланган, суд бор йўғи 15 минут бўлган, 3,5 йил қамоқ жазоси белгиланган. 2004 йилнинг 25 июнь куни Ўз.Р ЖК 159-моддаси 3-қисмининг «б» бандида кўрсатилган жиноятни содир этганликда гумонланиб қамоқга олинган. 6 та модда билан айбланаяпти, яъни Ўз.Р ЖК 156-моддаси 2-қисмининг «д» банди, 159-моддаси 3-қисмининг «б» банди, 216-модда, 242-модданинг 1-қисми, 2441-модда 3-қисмининг «а» банди, 2442-модданинг 1-қисмида кўзда тутилган жиноятларни содир қилганликда айбланаяпти, Адвокат Ғиёс Номозов ҳимоя қилмоқда.

  1. Соипов Мелиқўзи, – 1956 йил 28 июн куни Жиззах туманида туғилган, миллати ўзбек, ўрта маълумотли, оилали, 6-та фарзанди бор, ишсиз, Жиззах тумани Ҳамзаобод қишлоқ фуқаролар йиғини Н.Абдуалимов ш/х, Гулзор кўчасида яшайди. 2002 йил 25 ноябрь куни ЎзР ЖКнинг 2441-моддаси 3-қисмининг «а» банди билан шартли ҳукм билан 3 йил синов муддати белгиланган. 2004 йил 25 июнида қайтадан қамоқга олинган. ЎзР ЖКнинг 159-моддаси 3-қисмининг «б» банди, 2441-моддаси 3-қисмининг «а» бандида кўрсатилган жиноятларни содир қилганликда айбланаяпти. Ҳимоячи билан таъминланмаган.
  2. Абдумансуров Абдуваҳҳоб Юсупович, 1977 й. 6 сентябрда Жиззах туманида туғилган, миллати ўзбек, маълумоти ўрта, муқаддам судланмаган, оилали, 3 та фарзанди бор, ишсиз, Жиззах туман Ҳамзаобод қишлоқ фуқаролар йиғини, Н.Абдуалимов ш/х рўйхатда туради. Жиззах шаҳар, Ёшлик маҳалласи, 140-уй, 35-хонадонда яшайди. 2005 йил 25 июнида қамоқга олинган. 6 та модда билан айбланаяпти, яъни ЎзР ЖКнинг 156-моддаси 2-қисмининг «д» банди, 159-моддаси 3-қисмининг «б» банди, 216-моддаси, 2421-моддасининг 1-қисми, 2441-моддаси 3-қисмининг «а» банди, 2442-моддасининг 1-қисмларида кўрсатилган жиноятларни содир қилганликда айбланаяпти. Адвокат Олим Қобилов ҳимоя қилмоқда. 9 ойдан бери ҳимоя қилиб келаяпти.

  3. Исмоилов Аброр Аҳрорович, 1979 йилда туғилган, ўзбек, маълумоти ўрта, уйланган. Ишсиз. Олдин судланмаган. Яшаш жойи Юнусобод – 4, Қалия маҳалласи. 16.03.2000 йилда қамоқга олинган. 2000 йил 10-14 июль кунлари жиззахлик 15 фуқаро устидан вилоят судининг судьяси Неъмат Бобожонов раислигида бўлиб ўтган суд қарори билан, ЖК 156-модда 2-қисмининг «д» банди, 159-модда 2-қисмининг «б» банди, 216-модда, 2441-модда 3-қисмининг «а» банди, 2442-модданинг 1-қисмлари билан айбланиб қамалганлардан бири. 12 йилга қамалган. Олдин 5 та модда билан қамалган бўлса, энди 6 та модда билан айбланаяпти, яъни ЎзР ЖК 156-модда 2-қисмининг «д» банди, 159-модда 3-қисмининг «б» банди, 216-модда, 242-модданинг 1-қисми, 2441-модда 3-қисмининг «а» банди, 2442-модданинг 1-қисмларида кўрсатилган жиноятларни содир қилганликда айбланаяпти. Адвокат Ғиёс Номозов ҳимоя қилмоқда.

2005 йил 15 июнда Ўзбекистон МХХ томонидан айблов эълон қилинган ва судда гувоҳ сифатида қатнашаётганлар рўйхати:

  1. Ўринбоева Матлуба, – 159-модда 3-қисмининг «а» банди, 2441-модда 3-қисмининг «б» банди билан 2005 йил 15 июнда айблов эълон қилинган, Қалия маҳалласидан. Иши терговда. Ўринбоев Мухторнинг хотини.
  • Мустафоқулов Наби, -Қалия маҳалласидан. 2005 йил 15 июнда айблов эълон қилинган. Иши терговда.

  • Абдумансуров Юсуф, – Қалия маҳалласидан. 2005 йил 15 июнда айблов эълон қилинган. Иши терговда. (Судланаётган Абдумансуров Абдуваҳҳобнинг дадаси).
    Бундан бошқа 10 га яқин гувохлар чакирилган. Уларнинг кўпчилиги келмаган. Шуниси қизиқ-ки, гувоҳлар рўйхатида Жувашов Нахмиддин Умарқулович ҳам бор. Жувашов 14 йилга қамалган ва аллақачон қамоқ вақти тугаган, лекин у ҳозирда ҳам қамоқда.

  • Ҳозирча шу, Толиб ака. Шайманов Эгамназар чиқибти. Сизга кечқурун қўнғироқ қилади.

    Мониторингда нима етмаса менга дарҳол айтинг, ёзинг. Яна тўлдирарман.
    Бахтиёр.

    БИЛДИРИШНОМАлар, Бахтиёр ХАМРАЕВ, ЖИЗЗАХ ВИЛОЯТ БЎЛИМИ, ХАТлар

    05.07.07-Жиззахда СУД

    Жиззахда «Хизб ут-Тахрир» диний оқимига аъзоликда айбланаётган 4 фуқаро устидан Жиззах вилоят жиноят ишлар судида суд жарёни бўйича мониторинг

     

    2005 йил 07 июль куни соат 15-00 ларда, Жиззах вилоят жиноят ишлари бўйича судида, судья Ислом Қувватов раислигида, прокурор И.Исломов, котиба Эшонова, адвокатлар:

    Ғиёс НомозовARGUMENT ANN адвокатлар фирмаси адвокати; (ишхонасининг телефони: (99872) 226-36-27)

    Олим Қобилов – Жиззах шаҳар адвокатлар уюшмаси адвокати (тел: уй. 224-29-96, моб: 1679978)

    иштрокида суд бошланди. Прокурор И.Исломов айблов хулосасини ўқиб берди.

     

    Ўзбекистон МХХ нинг 745/491/859/948 –сонли жиноят иши бўйича айблов хулосаси 208 бетдан иборат. Айблов хулосасини вақтинча олдим. Қани энди имкониятим бўлса нусха қилиб олсам. Нусха қилай десам 5-6 минга тушиб кетади. Афсуски, имконият чегараланган.

     

    Суд бошида судланаётганлардан: Ўринбоев Мухтор, Саипов Мелиқўзи, Абдумансуров Абдуваҳҳоблар, яъни учаласи фақат 1999 йилдаги фаолияти учун айбларини қисман тан олишларини айтди. Судья Президентдан, халқдан кечирим сўрайсизларми?,- деган саволига, «Олдинги фаолиятимиз учун кечирим сўраймиз» – деди.

     

    Кейинги йиллардаги яшаш фаолиятида умуман жиноят килмаганликларини айтишаяпти. Аммо, судланаётган Исмоилов Аброр Аҳрорович айбига умуман иқрор эмаслигини билдирди. Бугун фақат Ўринбоев Мухтор ва Саипов Мелиқўзи билангина савол-жавоб бўлди.

     

    Қамоқга олиш жариёни ва судланаётганлар рўйхати:

    2004 йилнинг 25 июнь куни Ўзбекистон Республикаси МХХ Тергов бошқармасининг бўлим бошлиғи, адлия майори Садуллаев Бахтиёр гурухи (тинтувда 40га яқин киши қатнашган) томонидан тинтув қилиниб, кейин хибсга олиниб, Тошкентга Ўзб. МХХ га олиб кетилган. Улар бир йил-у ўн кун Ўзб. МХХ ертўласида сақланган.

     

    Ўринбоев Мухтор ҳукумат томонидан Жўраев Даврон деган тошкентлик адвокат билан таъминланган. Бу адвокат фақат 2 марта сўроқда қатнашган, холос. Абдумансуров Абдуваҳҳоб, Соипов Мелиқўзи адвокат билан таъминланмаган. Фақат уч ойдан кейини Олим Қобилов Абдумансуров Абдуваҳҳобга адвокат бўлиб ўтган.

     

    Ўринбоев Мухтор Исмоилович, 1964 й. 19 сентябрда Жиззах туманида туғилган. Миллати ўзбек. Тўлиқсиз ўрта (8 синф) маълумотли, оилали, 4 фарзанди бор. Ишсиз. Жиззах шаҳри, Юнусобод берк кўча 4-уйда яшайди.

     

    Жиззах вилоят ММХ нинг Холматов Фарход гурухи томонидан хибсга олинган (2 та патрон ва 5 дона кўкнори ташланган). 1999 йил 30 июнь куни Жиззах шаҳар суди томонидан Ўз.ЖК нинг 248-м. 1-қ. ва 276-м. 2-қ. Билан айбланиб судланган, суд бор йўғи 15 минут бўлган. 3,5 йил қамоқ жазоси белгиланган. 2004 йилнинг 25 июнь куни Ўз. ЖК 159-м. 3-қисми «б» бандида кўрсатилган жиноятни содир этганликда гумонланиб қамоққа олинган.

     

    6 та модда билан айбланаяпти, яъни ЎзР ЖК 156-м. 2-қисм «д» банди, 159-м 3-қисм «б» банди, 216-м, 242-м 1қисм, 244-1-м. 3-қисм «а» банди, 244-2-м. 1қисмларида кўрсатилган жиноятларни содир қилганликда айбланаяпти. Адвокат Ғиёс Номозов ҳимоя қилмоқда.

     

    Соипов Мелиқўзи – 1956 йил 28 июн куни Жиззах туманида туғилган, миллати ўзбек, ўрта маълумотли, оилали, 6 та фарзанди бор, ишсиз, Жиззах тумани Ҳамзаобод қишлоқ фуқаролар йиғини Н.Абдуалимов ш/х, Гулзор кўчасида яшайди. 2002 йил 25 ноябрь куни ЎзР ЖК.нинг 244-1-м. 3-қисм «а» банди билан айбланиб, 3 йил синов муддати билан озодликда юриш ҳукми чиқарилган.

     

    2004 йил 25 июнида қайтадан қамоқга олинган. ЎзР ЖК нинг 159-м. 3-қисми «б» банди, 244-1-м. 3-қисми «а» бандида кўрсатилган жиноятларни содир қилганликда айбланаяпти. Ҳимоячи билан таъминланмаган.

     

    Абдумансуров Абдуваҳҳоб Юсупович, 1977 й. 6 сентябрда Жиззах туманида туғилган, миллати ўзбек, маълумоти ўрта, муқаддам судланмаган, оилали, 3 та фарзанди бор, ишсиз, Жиззах туман Ҳамзаобод қишлоқ фуқаролар йиғини, Н.Абдуалимов ш/х рўйхатда туради. Жиззах шаҳар, Ёшлик маҳалласи, 140-уй, 35-хонадонда яшайди.

     

    2005 йил 25 июнида қамоқга олинган. 6 та модда билан айбланаяпти, яъни ЎзР ЖК 156-м. 2-қисм «д» банди, 159-м 3-қисм «б» банди, 216-м, 242-м 1қисм, 244-1-м. 3-қисм «а» банди, 244-2-м. 1қисмларида кўрсатилган жиноятларни содир қилганликда айбланаяпти. Адвокат Олим Қобилов 9- ойдан бери ҳимоя қилиб келаяпти.

     

     

    Исмоилов Аброр Ахрорович, 1979 йилда.туғилган, ўзбек, маълумоти ўрта, уйланган. Ишсиз. Олдин судланмаган. Яшаш жойи Юнусобод – 4, Қалия маҳалласи. 16.03.2000 йилда қамоққа олинган.

     

    2000 йил 10-14 июль кунлари Жиззахлик 15 фуқаро устидан вилоят судининг судьси Неъмат Бобожонов раислигида бўлиб ўтган суд қарори билан, ЖК 156-м. 2-қисми «д» банди, 159-м. 2-қисми «б» банди, 216-м, 244-1 –м. 3-қисми «а» банди, 244-2-м. 1-қисмлари айбланиб қамалганлардан бири. 12 йилга қамалган.

     

    Олдин 4 та модда билан қамалган бўлса, энди 6 та модда билан айбланаяпти, яъни ЎзР ЖК 156-м. 2-қисм «д» банди, 159-м 3-қисм «б» банди, 216-м, 242-м 1қисм, 244-1-м. 3-қисм «а» банди, 244-2-м. 1қисмларида кўрсатилган жиноятларни содир қилганликда айбланаяпти. Адвокат Ғиёс Номозов ҳимоя қилмоқда.

     

    2005 йил 15 июнда Ўзбекистон МХХ томонидан айблов эълон қилинган ва судда гувоҳ сифатида қатнашаётганлар рўйхати:

     

    Ўринбоева Матлуба, – 159-м. 3-қисми «а» банди, 244-1 м. 3қисми «б», Қалия маҳалласидан. 2005 йил 15 июнда айблов эълон қилинган. Иши терговда. Ўринбоев Мухторнинг хотини.

     

    Мустафоқулов Наби Қалия маҳалласидан. 2005 йил 15 июнда айблов эълон қилинган. Иши терговда.

     

    Абдумансуров ЮсуфҚалия маҳалласидан. 2005 йил 15 июнда айблов эълон қилинган. Иши терговда (судланаётган Абдумансуров Абдуваҳҳобнинг дадаси).

     

    Бундан бошқа 10 га яқин гувоҳлар чақирилган. Уларнинг кўпчилиги келмаган. Шуниси қизиқки, гувоҳлар рўйхатида Жувашов Нахмиддин Умарқулович ҳам бор. Жувашов 14 йилга қамалган ва аллақачон қамоқ вақти тугаган, лекин у ҳозирда ҳам қамоқда.

     

    Ҳозирча шу, Толиб ака. Шайманов Эгамназар чиқибти. Сизга кечқурин қўнғироқ қилади.

     

    Мониторингда нима етмаса менга дарҳол айтинг, ёзинг. Яна тўлдирарман.

     

    Бахтиёр.

     

    УЯ-64/51, ҚИЙНОҚЛАР, ҲУКУМАТ МУСУЛМОНЛАРГА ҚАРШИ

    04.01.19-КИН 51дан КЕЛГАН ХАТ

    2004 йил, 19 январь

     

    КИН УЯ-64/51 ҚАМОҚХОНАСИДАН

    ИККИНЧИ МАКТУБ


    ЎИХЖ матбуот маркази хабари

     

    Адолат ва одил суд бўлмаган шароитда
    давлат карокчилар тўдасига айлана
    ди
    Августин Аврелий

     

                   Ўзбекистон ҳукумати ўзининг жазони ижро этиш муассасаларидаги махбусларга нисбатан ваҳшийликларини жамоатчиликдан яширишга ҳар қанча уринмасин, у ерлардан қийноқлар, ваҳшиёна муомалалар, камситишлар, чидаб бўлмас сақлаш шароитлари ва бошқалар ҳақида ишончли маълумотлар чиқиб турибди.

     

                   ЎИХЖ га турли қамоқхоналардан мактублар келиб тушади. Уларнинг муаллифлари ўз хатларининг мазмунини жамоатчилик ва халқаро ташкилотлар эътиборига етказишни ҳамда энг кўп ўқиладиган интернет сайтларига қўйишни сўрашади. Шундай мактублардан бири илгари Фарғона вилояти Ўзбекистон туманидаги Болғали қишлоғида яшаган, 1969 йилда туғилган, ўрта-махсус маълумотга эга Баратов Оллоназар Солижоновичдан келди. Виждон бандиси О.С.Баратов 1999 йилдан бери Косондаги КИН УЯ-64/51 қамоқхонасида сақланмоқда. Қуйида унинг хатини тўлиқ келтирмоқдамиз:

     

                   – Мен «Хизб ут-тахрир» диний партияси аъзосиман. 1999 йил 7 март куни милиция ходимлари мени уйимда хибс этишди. 18 март кунига қадар мени Ўзбекистон туман ИИБ даги вақтинча ушлаб туриш хибсхонасида бетўхтов қийноқлар остида сақлашди. Улар менинг товонларимга резина калтак билан уришди.

     

                     Оқибатда оёқларим шишиб, ҳаракатланолмай қолдим. У ерда менга агар айбимни тан олмасам, тирноқларимни суғуриш ва баданимга қизиб турган дазмол босиш билан таҳдид қилишди. Мени МХХ ҳамда коррупция, рэкет, терроризмга қарши кураш бўлими ходимлари Абдужаббор, Аббосхонлар ва исмларини билмаганим бошқа ИИВ ходимлари қийноққа солишди. 18 март куни мен терговчи кўрсатган ҳамма коғозларга имзо чекишга мажбур бўлдим. Шундан сўнг мени Қўқон турмасига юборишди. У ерда ҳам мени бир неча бор қаттиқ калтаклашди.

     

                   Кейин судгача сақлаб туриш учун мени Қўқон турмасидан Фарғона шаҳар тергов изоляторига юборишди. Биз 34 киши эдик. Орамизда 1-даражали ногирон, икки кўзи ожиз, қанд касалига мубтало бўлган ва бир оёғи йўқ Абдуқаюм Ҳасанов бор эди. Уни ҳам ногиронлигига қарамай, ваҳшийларча қийнашарди. Суд вақтида адвокат судьяга ўз қимоясидаги одамнинг 1-даражали ногирон эканини эслатганида, судья: «У ногирон бўлса ҳам, мияси ва ақли соғ, шунинг учун жазо олиши керак«, – деди.

     

                 Тергов вақтида бизларни ЖКнинг 127- (Вояга етмаганларни жамиятга қарши ҳаракатларга бошлаш), 156- (Миллий, ирқий ёхуд диний адоват қўзғатиш), 159- (Ўзбекистон конституциявий тузумига тажовуз қилиш), 216- (Ноқонуний жамоат уюшмалари ёки диний ташкилотлар тузиш), 242- (Жиноий уюшма ташкил этиш) ва 244-(Оммавий тартибсизликлар) моддалари билан айблашди. Судья менинг айбимни «исботлашга» қаттиқ тиришиб, охири 18 йилга ҳукм қилди.

     

                  Ҳаво чидаб бўлмас иссиқ ва дим бўлган август ойида бизни иссиқдан қайнаб ётган вагонларга ўтқизиб, Тошкентга олиб кетишди. Бу сафар қийноқдан ҳам баттар эди. Ҳеч кимга бир қултум бўлса ҳам сув беришмасди. Тошкент турмасида бизни кечгача ушлаб туриб, тахминан соат 16-17 ларда яна ўша вагонларга ўткиза бошлашди. Вагоннинг ҳар бир каталакдек хонасига 17-18 кишидан тиқишди ва шу ҳолда узоқ ушлаб туришди. Чидаб бўлмас иссиқ туфайли кўпчилик хушидан кета бошлади.

     

                     Мен ҳам шунақа бўлдим. Қанча вақт хушсиз ётганимни билмайман. Кимдир юзимга қўли билан ураётганидан ўзимга келдим. Биродарим Муҳаммадали мени хушимга келтиришга уринаётган экан. Поезд йўлга чиққан ва Тошкентдан чиқиб кетаётган эди. Мен ерга сув йиғилиб қолганини ва тепадан сув оқаётганини кўриб қолиб, Муҳаммадалидан бунинг қанақа сувлигини сўрадим. У бунинг одамларнинг тери эканини айтди. Ҳамманинг кийими ҳўл бўлиб, у терни ўзига сингдирмаётган ва натижада тер ерга оқаётганди.

     

                   20 август куни (1999 йил) биз Косондаги КИН УЯ-64/51 қамоқхонасига етиб келдик. Янги махбусларни «кутиб олиш» маросими бошланди. Аввалига бизни яланғоч қилиб ечинтириб, биттадан ич кийим беришди, ўзимизнинг кийимларимизни олиб қўйишди. Кейин биз ички хизмат (милиция) ходимлари ва назоратчилар ташкил қилган коридордан ўтишимиз керак эди. Уларнинг ҳар бири кўлига ё резина, ё симлардан тўқилган калтак ёки хивич ушлаб олганди. «Коридор» нинг узунлиги 50-60 метр бўлиб, нариги чети ШИЗО – жазо изолятори биносига олиб борарди. Махбус бу тирик коридордан ўтганида ҳар бир милиционер ва назоратчи унинг боши ёки баданининг бошқа қисмларига урар эди.

     

                   Ҳамма 56 та махбусни битта хонага тиқишди. Бир неча минутдан кейин у тандирга айланиб кетди. Одамлар хушдан кета бошладилар. Хушдан кетмаганлар тирик коридордан ўтганимиздан кейин бизга берилган кўйлак ва шимлар билан елпиб, ўзидан кетганларга қай бир йўл билан бўлса ҳам ҳаво етказишга ҳаракат қилишарди. Шунда бир прапоршчик кириб, ичига сув солинган 20 литрли идишни қўйиб кетди. У бир неча марта икки челакдан сув олиб келиб, уни тўлдириб қўйди.

     

                   Икки кун ўтгач мени қамоқхона режим қисмининг бошлиғи, капитан Бобоев хонасига чақирди ва мендан унга тиз чўкиб, сажда қилишимни талаб қилди. Мен унинг талабини рад этдим ва: «Мен фақат Аллоҳга ибодат қиламан», – дедим. Бобоев қутуриб, мени симдан ясалган хивич билан савалай кетди. Мен йиқилдим, ерга ётиб қолдим, хушимдан кетаёздим. У эса мени тепкилай бошлади.

     

                   Орадан 2-3 кун ўтиб, мени қамоқхона бошлиғининг ёрдамчисиуям капитанчақиртирди. Унинг талаби билан ўзим судланган моддаларни айтганимда, у сакраб туриб, бошимга резина калтак билан ура бошлади ва: «Сен террорист, экстремист экансан-ку! Сени нариги дунёга жўнатиш керак!» – деб бақирди. У менинг хушимдан кетаётганимни кўриб, хонасидан итқитиб чиқариб юборди.

     

                   Бизни ҳар куни, гоҳида кунора қамоқхона штабининг ҳар хил хоналарига чақириб калтаклашарди. Хонага киришни кутиб, коридорда турганимизда ёнимиздан ўтиб кетаётган милиционер ва аскарлар бизни муштумлари билан уриб, тепиб ўтишарди.

     

                 Бизнинг баракнинг бошлиғи лейтенант Эшмуродов Бахтиёр эди. Зонага келганимизнинг биринчи куниёқ, у мени қимирламай қолгунимча калтаклаган. Орадан бир ойча ўтгач, мени тезкор бўлим бошлиғи, капитан Ражабов Шомурод хонасига чақирди. У қўлида калтак ушлаб олган эди. У: «Агар қўлимдаги нарсанинг номини тўғри айтиб беролсанг, сени урмайман», – деди. Калтак электр симидан тўқилган эди. «Тополмадинг, бу – мияни жойига келтирадиган калтак, мен уни бошингдаги ҳамма керакмас нарсаларни чиқариб ташлаш учун ишлатаман», – деди-да, мени қаттиқ калтаклай бошлади.

     

                   Мактубим дунё юзини кўрганидан кейин мени бундан ҳам қаттиқ ва кўп калтаклашларини, балки эса ўлдиришларини биламан. Лекин виждон бандилари, Аллоҳга ишонганлар учун қурилган ўзбек ўлим лагерлари ҳақидаги ҳақикат одамларга етиб боришини истардим. Мен буни бутун дунё билишини хоҳлайман.

     

                3 декабр, 2003 йил

     

    ЎИХЖ дан:

     

                 Сталин ҳам мамлакатда ва «темир парда» ортида ГУЛАГ (Главное управление лагерей) ҳақида ҳеч ким билмайди, деб ўйлаган эди. Аммо дунё буни билди. А.Солженицыннинг «Архипелаг ГУЛАГ» китобидан ва бошқа кўплаб манбалардан билди. Тараққий этган инсоният бу архипелагга асос солган советларнинг зўравон сиёсий тизимини, бутун Иттифоқ бўйлаб сочилиб кетган ўлим лагерларида хизмат қилган ва Лагерлар бош бошқармасида ишлаган ваҳшийларни шарманда қилди.

     

                   Дунё ўзбекларнинг Жазони ижро этиш бош бошқармаси (ЖИЭББ) ҳақида ҳам билиб олади. Вақти келади, тараққий этган инсоният Ўзбекистондаги зўравон сиёсий тузумни ҳам, ЖИЭББ бошлиқлари Р.Қодиров, А.Шодиев, М.Гуревичларни ҳам, уларнинг гумашталари, лагерь бошлиқлари А.Қулумбетов («Жаслиқ«, УЯ-64/71), С.Қаландаров («Шайх Али», УЯ-64/49), О.Алиқулов (Косон, УЯ-64/51), А.Мардонов (Навоий, УЯ-64/46), Б.Азизов (Когон, УЯ-64/62), М.Мирсалимов (Олмалиқ, УЯ-64/45), Э.Комилов (Тошкент, УЯ-64/СИ-1) ва бошқаларни ҳам шарманда қилади.

     

                   Шубҳасиз-ки, бу шармандаликдан ЖИЭББ унинг идорасига тегишли бўлган ички ишлар вазири З.Алматов ҳам, идорасига БМТ махсус маърузачиси Тео ван Бовен ҳам киролмаган, ертўлалари (тергов хибсхоналари, вақтинчалик сақлаш қамоқхоналари) бўлган МХХ раиси Р.Иноятов ҳам қочиб қутула олмайдилар.

                 Ўлим лагерларидан келган хатларни халқ ҳали узоқ сақлайди. Улар капитан Бобоев ёки Ражабов сингари йиртқичларнигина эмас, уларнинг раҳбарлари-ю рағбатлантирувчиларини ҳам фош қиладиган асосий ҳужжатлар бўлади.

     

     

     

    СООБЩЕНИЯ

    00.11.13-СУД НАД КАМОЛИДДИНОМ САТТОРОВЫМ

    HRSU blanc13 ноября 2000 г

    СООБЩЕНИЕ ОБЩЕСТВА ПРАВ ЧЕЛОВЕКА УЗБЕКИСТАНА

    Как ранее сообщало ОПЧУ 21 сентября с.г. Мархаматский районный суд Андижанской области (судья И.Сотволдиев) начал новый судебный процесс над Камалитдином Саттаровым, которого Асакинский (Андижанская область) городской суд (судья Холматов М.) 9 июня приговорил к 9 годам лишения свободы. Continue reading «00.11.13-СУД НАД КАМОЛИДДИНОМ САТТОРОВЫМ»

    БИЛДИРИШНОМАлар, СУД СИСТЕМАСИ, ҚИЙНОҚЛАР

    00.08.22-КИЙНОҚЛАР остида СУД

    ҒАЙРИИНСОНИЙ ҚИЙНОКЛАР ОСТИДА

    ЎЗБЕКЧА СУД

     

    Ўзбекистон Инсон Ҳуқуқлари Жамиятининг

    АХБОРОТИ

     

    17 июль куни Акмал Икрамов туман судининг биносида Тошкент шаҳар суди 15 “Ҳизб утТаҳрирпартияси аъзоларининг устидан бошланган жиноий ишни кўришни давом эттирди. Шу бинонинг яна тўртта залида шаҳар суди савиясида 4 та параллел суд жараёни кетмоқда.

     

    У ердаги айбланувчилар ҳам “Хизб ут-Тахрир” партиясига тааллуқли бўлиб, улар партия нашрини тайёрлашда, уни тарқатишда ва Жиноят кодексининг 159 моддаси 3-қисми “б” бандида кўрсатилган Ўзбекистон Республикаси конституцион тузумига тажовуз қилишда айбланадилар.

     

    Суд мажлиси очиқ ҳисобланса-да, суд залига ҳар бир судланувчининг оиласидан қатъиян бир киши паспорти текширилиб киртилмоқда. Суд биноси қуролланган аскарлар билан ўралган. Суд бўладиган кунлари бу ерга судланувчиларнинг қариндош-уруғларидан 70-80 киши, асосан аёллар ва кекса ота-оналар тўпланишади. Улар офтобнинг жазирама тиғи остида суд бошланишини соатлаб кутадилар. Бирон суд маҳкамаси белгиланган соатда бошланган эмас. Бу эса ота-оналарда қонуний асосда норозилик уйғотмоқда.

     

    Суд жараёнининг бориши, суд раиси давлат айбловчисига бўйсунишини ва айбловчи тайёрлаган сценария асосида иш олиб боришини кўрсатмоқда.

    Судланувчилар суд мажлиси давомида ИИВгига қарашли тергов бошқармасининг алоҳида ишлар бўлими терговчиси Ҳасанов томонидан жисмоний қийноқларга солинганликлари ҳақида кўрсатма бердилар.

     

    Жаллодлар ўзлари учун керакли кўрсатмаларни олиш ва бўш қоғозга имзо чектириб олиш мақсадида тергов қилинаётганларни вахшиёна калтаклаб, уларни электр токи билан уриб азоблаганлар, ҳаммангни ўлдириб ташлаймиз, деб очиқча таҳдид қилганлар.

     

    Судланувчилардан Исҳоқов Дилшод оперларнинг қўлида қандай азобланганини гапира бошлаганда, суд раиси унинг гапларини шарт бўлиб, “хўш, гапларингни нима билан тасдиқлайсан, қани исботинг?”, дея ўшқирди. Шунда судланувчи эгнидаги кийимини ечиб ташлаб, суд залида ўтирганларга баданидаги калтак излари, куйдирилган ва ҳануз битмай қолган яра излари, ўткир тиғли нарсалардан юзага келган, илма-тешик бўлиб кетган оёқларини очиб кўрсатди.

     

    Судланувчи елкаларидаги яра излари тахтага қоқилган михлар билан уриш асорати эканлигини, айниқса терговчи ва опер ходимлар уларнинг бошларига челак кийдириб зўрлаганликларини айтганида ота-оналарнинг фарёди зални кўтариб юборди. Лекин бу ҳол суд раисини асло қизиқтирмади ва у юзини ўгириб олди. Бошқа судланувчилар ҳам шунга ўхшаш кўрсатма бердилар.

     

    Судланувчилар “Биз исломий йигитлармиз, бу гапларни айтишдан мақсад, бизларга нисбатан раҳм-шафқат уйғотиш эмас, балки тергов ходимларининг ваҳшийликларини жамоатчиликка етказишдир, биз уларнинг ваҳшийликларини ҳеч қачон унутмаймиз”, дедилар.

     

    Кўпчилик ота-оналар ўз фарзандларининг қамоққа олинганликларини 1-2 ой вақт ўтгандан сўнг билганлар. Терговчи томонидан таклиф қилинган адвокатлар суд раиси ва прокурорнинг измидан чиқмадилар. Улар суд давомида судланувчиларни фақат Президентдан кечирим сўрашга ва содир этмаган жиноятларини бўйниларига олишга ундашдан нарига ўтмадилар.

     

    Судланувчиларнинг кўрсатмаларига ва айблов хулосаларига қараганда, тергов даврида процессуал қонун ва қоидалари қўпол равишда бузилган. ЎзР ЖПКининг 345 моддасига мувофиқ, 244 ва 159 моддалар билан боғлиқ ишларни Миллий хавфсизлик қўмитаси терговчилари олиб боришлари керак эди. Лекин тергов ишини ИИВ терговчилари олиб борганлар.

     

    Чунки, Ўзбекистонда “конституцион тузумга тажовуз қилганларнинг” сони шунчалик ошиб бораяптики, МХХ ходимлари тергов ишларини олиб боришга улгурмаётирлар. Бундай шароитда, амалдаги қонунга кўра, терговни ҳам суд маҳкамасини ҳам тўхтатиш шарт.

     

    Ота-оналар аслида адвокатлар бажариши керак бўлган ишни қилиб, юқорида зикр этилган қонунбузарликка суд раисининг эътиборини қаратишга ҳаракат қилдилар. Бу ҳақда улар умумий ариза ёзиб Олий суд раиси Мингбоевга ҳам мурожаат этдилар. Лекин на Мингбоев ва на Раҳмонов ўзлари томондан содир этилаётган қонунбузарликни тан олмадилар.

     

    ЎзР ЖПКсининг 49 моддасига кўра судланувчининг қариндошларидан бирига жиноий иш кўрилаётган тергов ва суд жараёнида ҳимоячи сифатида қатнашиш ҳуқуқи берилган. Судланувчиларнинг ота-оналари ўзларининг бу ҳуқуқларидан фойдаланишга уриниб кўрдилар. Лекин суд раиси Раҳмонов уларни бу қонуний ҳуқуқ ва талабларидан ҳам маҳрум этди.

     

    Суд залида ўтирган адвокатларниннг биронтаси тергов жараёнида қатнашмаганлар. Шунинг учун судланувчилар ишончсизлик билдириб, уларнинг ҳимоясини рад этдилар. Адвокатлар олдинига кетгандай бўлишди, лекин кейинги суд мажлисларида судланувчиларнинг эътирозларига ҳам қарамай адвокатлик ўринларини эгалладилар. Судланувчиларнинг эътирозларини суд раиси инобатга ҳам олмади.

     

    18 июль куни барча судланувчилар ўзларининг айбдор эмасликларини кўрсатиб, суд залига гувоҳ ва экспертларни таклиф қилишни суд раисидан талаб қилдилар. Лекин Раҳмонов уларнинг бу талабларини ҳам инобатига олмади. Шундан сўнг судланувчилар кўрсатма беришдан бутунлай бош тортдилар. Суд раиси панжара атрофини ўраб турган аскарларга судланувчиларни калтаклашни буюрди. Шу пайт судланувчилардан Ибодуллаев мабодо аскар қўлидан биронта судланувчи йигит калтакланса на суд раиси ва на прокурор эртагача тирик қолмайди, деди. Буни эшитган суд раиси буйруқни шармандали равишда бекор килди.

     

    Ота-оналарнинг айтишларига қараганда, суднинг бу тарзда бораётганидан норози бўлиб улар шақар суди раиси ва Президент Девонига мурожаат қилганлар. Лекин уларнинг аризасини инобатга олиш у ёқда турсин, уларнинг аризаларини улоқтириб, ўзларини эса ҳайдаб солганлар. Ота-оналар келгуси сафар Президент Девони остонасида очлик эълон қилишни режалаштириб қўйдилар.

     

    Судланувчиларнинг руйхати

     

    Содиқов Дониёр Ғуломович – 1975 йил Тошкент шаҳрида туғилган, миллати ўзбек, ЎзР фуқароси, маълумоти ўрта, муқаддам судланмаган, вақтинча ишламаган, оилалик, яшаш жойи: С.Раҳимов тумани, Сағбон 2 боши берк кўчаси, 98-уй. 2000 йил 19 мартдан бошлаб қамоқда.

     

    Шоқосимов Абдулҳаким Қўрғонович – 1976 йил Тошкент шаҳрида туғилган, миллати ўзбек, ЎзР фуқароси, оилалик, маълумоти ўрта, муқаддам судланмаган, вақтинча ишламаган, яшаш жойи: С.Раҳимов тумани, Шоший кўчаси, 19-уй. 2000 йил 19 мартдан бошлаб қамоқда.

     

    Умаров Маъруфхўжа Муротхонович – 1976 йил Тошкент шаҳрида туғилган, миллати ўзбек, ЎзР фуқароси, оилалик, маълумоти ўрта, муқаддам судланмаган, вақтинча ишламаган, яшаш жойи: С.Раҳимов тумани, Форобий мавзеси, Мукаммал кўчаси, 5-уй, 1-хона. 2000 йил 19 мартдан бошлаб қамоқда.

     

    Акрамов Лутфулла Сайфуллаевич – 1967 йил Тошкент шаҳрида туғилган, миллати ўзбек, ЎзР фуқароси, оилалик, маълумоти ўрта, муқаддам судланмаган, вақтинча ишламаган, яшаш жойи: С.Раҳимов тумани, Форобий кучаси, 19-уй. 2000 йил 19 мартдан бошлаб қамоқда.

     

    Шомирзаев Баҳромжон Ботиралиевич – 1971 йил Тошкент шаҳрида туғилган, миллати ўзбек, ЎзР фуқароси, оилалик, маълумоти ўрта, муқаддам судланмаган, вақтинча ишламаган, яшаш жойи: С.Раҳимов тумани, Шоший кучаси, 19-уй. 2000 йил 19 мартдан бошлаб қамоқда.

     

    Исоқов Дилшод – 1970 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, вақтинча ишламаган, яшаш жойи: С.Раҳимов тумани, Қорақамиш-2, Г4, 41Г14. 2000 йил 19 мартдан бошлаб қамоқда.

     

    Раҳимов Абдулқосим Шарипович – 1965 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, миллий ошхонада ошпаз бўлиб ишлаган, яшаш жойи: С.Раҳимов тумани, Корақамиш 2Г4, 35Г41. 2000 йил 19 мартдан бошлаб қамоқда.

     

    Саитниёзов Музаффар Абдураҳимович – 1974 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, вақтинча ишламаган, яшаш жойи: С.Раҳимов тумани, Қорақамиш 2Г4, 4Г38. 2000 йил 19 мартдан бошлаб қамоқда.

     

    Магрупов Фаррух Жаффарович – 1960 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, ўқитувчи бўлиб ишлаган, яшаш жойи: С.Раҳимов тумани, Қуёш кўчаси, 49-уй. 2000 йил 19 мартдан бошлаб қамоқда.

     

    Ибодуллаев Муҳаммаджон Ибодуллаевич – 1970 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, Тошкент шахар 16 сонли касалхонада жарроҳ бўлиб ишлаган, яшаш жойи: С.Раҳимов тумани, Фаробий кўчаси, Чаманзор – 90. 2000 йил 19 мартдан бошлаб қамоқда.

     

    Зуннунов Дилшоджон Собиржонович – 1977 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, мактабда меҳнат ўқитувчиси бўлиб ишлаган, яшаш жойи: С.Раҳимов тумани, Форобий кўчаси, 50-уй. 2000 йил 19 мартдан бошлаб қамоқда.

     

    Ҳайдаров Абдужаббор Абдураҳмонович – 1971 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, вақтинча ишламаган, яшаш жойи: С.Раҳимов тумани, Гуруч ариқ кучаси, 48-уй. 2000 йил 19 мартдан бошлаб қамоқда.

     

    Ёдгоров Аброр Собиржонович – 1970 йил Тошкент шаҳрида туғилган, миллати ўзбек, ЎзР фуқароси, оилалик, маълумоти ўрта, муқаддам судланмаган, вақтинча ишламаган, яшаш жойи: С.Раҳимов тумани, Қизил тут кучаси, 80-уй. 2000 йил 19 мартдан бошлаб қамоқда.

     

    Аббосов Ҳасан Хусниддинович – 1958 йил Тошкент шаҳрида туғилган, миллати ўзбек, ЎзР фуқароси, оилалик, маълумоти олий, муқаддам судланмаган, вақтинча ишламаган, яшаш жойи: С.Раҳимов тумани, Сағбон 2 боши берк кўчаси, 87 – уй. 2000 йил 19 мартдан бошлаб қамоқда.

     

    Ғофуров Улуғбек Комилжон ўғли – 1978 йил Сирдарё вилояти, Сирдарё тума-нида туғилган, миллати ўзбек, ЎзР фуқароси, оилалик, маълумоти ўрта, муқаддам суд-ланмаган, вақтинча ишламаган, яшаш жойи: С.Раҳимов тумани, Лангар кўчаси, 101-уй. 2000 йил 19 мартдан бошлаб қамоқда.

     

    Толиб Ёқубов – ЎИҲЖ Бош котиби

    22 август 2000 йил

     

    БИЗ СИЁСИЙ МАҲБУСЛАРМИЗ!

     

    6 сентябрь куни Тошкент шаҳар суди 15 киши устидан ўтказилган суд жараёнини 2 ойда ниҳоясига етказди ва судланувчиларнинг устидан уз хукмини укиди. Суд ҳукми прокурор талаб қилган жазодан ҳам юқори белгиланганлиги судланувчиларни заррача ҳам чучитмади, улар ҳукмни кўтаринки руҳда қабул қилдилар. Ҳатто судланувчи Гафуров ва Аббосовлар ўзлари учун белгиланган 12 йиллик қамоқ жазоси камлик қилгандай “Нима учун бизга кам бердингиз, нима учун бизни биродарларимиздан айириб қўйдингиз”, дея норозилик билдиришди.

     

    Суд ҳукми қуйидагича: Исоқов Дилшод –16 йил, Содиқов Дониёр – 15 йил, Зуннунов Дилшод – 16 йил, Саитназаров Музаффар – 14 йил, Умаров Маъруф – 14 йил, Магрупов Фаррух – 14 йил, Раҳимов Абулқосим – 14 йил, Акрамов Лутфулла – 14 йил, Ибодуллаев Муҳаммаджон – 14 йил, Ёдгоров Аброр – 16 йил, Ҳайдаров Абдужаббор – 14 йил, Аббосов Ҳасан – 12 йил, Ғофуров Улуғбек – 12 йил, Шоқосимов Абулҳаким – 14 йил, Шомирзаев Баҳром – 16 йил.

     

    Судланувчилар суд охирида ота-оналарга қарата “Биз сиёсий маҳбуслармиз, жиноятчи эмасмиз”, дея хитоб қилишди.

     

     

     

    Бахтиёр ХАМРОЕВ, Джизакское областное отделение, СООБЩЕНИЯ

    00.07.22-ЗАЧИТАН ПРИГОВОР

     HRSU blancДЖИЗАКСКОЕ ОБЛАСТНОЕ ОТДЕЛЕНИЕ

                                                г. Джизак, массив Заргарлик, 16
                                                         тел. (+37222) 6-52-52      
                                                      E-mail:  hamroev@online.ru

         22 июля 2000 г 

    СООБЩЕНИЕ

    ДЖИЗАКСКОГО ОТДЕЛЕНИЯ ОБЩЕСТВА ПРАВ

    ЧЕЛОВЕКА УЗБЕКИСТАНА

    n Во второй половине июня 2000 года в Джизаке (центр одноименной области) начал свою деятельность дочерняя фирма «КАМАЛАК-А» Ташкентского ПГСП «UZPAK» по подключению к Интернету. Местные власти со 2 июля приостоновили ее деятельность, пока ничем свои действия не мотивируя. Идут переговоры. Continue reading «00.07.22-ЗАЧИТАН ПРИГОВОР»

    Бахтиёр ХАМРОЕВ, Джизакское областное отделение, СООБЩЕНИЯ

    СООБЩЕНИЕ ДЖИЗАКСКОГО ОТДЕЛЕНИЯ ОПЧУ

    22 июля 2000 г

    ДЖИЗАКСКОЕ ОБЛАСТНОЕ ОТДЕЛЕНИЕ

    г. Джизак, массив Заргарлик, 16
    тел. (+37222) 6-52-52
    E-mail: hamroev@online.ru

    СООБЩЕНИЕ ДЖИЗАКСКОГО ОТДЕЛЕНИЯ ОБЩЕСТВА ПРАВ
    ЧЕЛОВЕКА УЗБЕКИСТАНА

    Во второй половине июня 2000 года в Джизаке (центр одноименной области) начал свою деятельность дочерняя фирма «КАМАЛАК-А» Ташкентского ПГСП «UZPAK» по подключению к Интернету. Местные власти со 2 июля приостоновили ее деятельность, пока ничем свои действия не мотивируя. Идут переговоры. Continue reading «СООБЩЕНИЕ ДЖИЗАКСКОГО ОТДЕЛЕНИЯ ОПЧУ»

    ЖАСЛЫК – УЯ 64-71, СООБЩЕНИЯ, УЯ - 64/25, УЯ - 64/49, УЯ 64/61, УЯ 64/71

    00.01.05-УМАРХОН НАЗАРОВ

    HRSU blanc5 января 2000 г.

    В 19 ноября 1999 года в отделении внутренних дел Шахрисябза со стороны сотрудников милиции был убит в результате жестокого избиения Жумаев Шерали 1952 г.р. – отец двоих детей. Continue reading «00.01.05-УМАРХОН НАЗАРОВ»

    Бахтиёр ХАМРОЕВ, Джизакское областное отделение

    Список осужденных по религиозным мотивам (Хизб ут-Тахрир)

    Судебные процессы проходили в Джизакском городском суде в августе 1999 года.

    Все осужденные из города Ташкента или Ташкентской области.

    Всех подсудимых было 20 человек. Данные 2 подсудимых установить не удалось, а у некоторых – регион проживания.

     

    Ф.И.О.

    Год рожд.

    Регион

    Срок

    1

    Исаев Бахадир Рахимжанович

    26.05.1976 г.

    г. Ташкент

    10 лет

    2

    Халтагун Арзимат Абдуллажонович

    12.08.1970 г.

    г. Ташкент

    17 лет

    3

    Махмудов Дилшод Рахимович

    28.07.1970 г.

    г. Ташкент

    17 лет

    4

    Хусанов Дилмурод Гайратович

    1973 г.

    г. Ташкент

    20 лет

    5

    Шеров Бекзод Ахматович

    06.10.1981 г.

    г. Ташкент

    17 лет

    6

    Зуфаров Абдусаттор Халилович

    24.02.1976 г.

    г. Ташкент

    17 лет

    7

    Негманов Миркомил Миржолалович

    23.03.1975 г

    выпущен по амнистии.

    8

    Умаров Сарвархужа Ганихужаев

    12.07.1976 г.

    Аккурганский район, Ташкентск. области

    16 лет

    9

    Ганиев Бекзод Абдукаримович

    31.11.1973 г.

    г. Ташкент

    16 лет

    10

    Файзиев Равшан Бахадирович

    26.05.1976 г.

    г. Ташкент

    10 лет

    11

    Жабборов Дилшод Дилбаротович

    07.01.1974 г.

    г. Ташкент

    17 лет

    12

    Мухаммедов Дилшод Бахтиёрович

    06.05.1976 г.

    10 лет

    13

    Бадалов Усмонжон Эркинжанович

    25.12.1980 г.

    18 лет

    14

    Рузиев Убайдулло Журабоевия

    13.06.1977 г.

    г. Ташкент

    10 лет

    15

    Мирзахонов Кодир Одилович

    25.10.1978 г.

    г. Ташкент

    20 лет

    16

    Салохиддинов Зиёвуддин Мухиддинович

    28.01.1978 г.

    г. Ташкент

    18 лет

    17

    Хусанов Абдуазиз Абдуалиевич

    18.05.1980 г.

    г. Ташкент

    10 лет

    18

    Мирзахолов Абдувохид Ахтамжонович

    18.06.1974 г

    17 лет